Argun i Kaukasus

Argun (russisk Аргу́н) er ei elv i Georgia og republikken Tsjetsjenia i Russland og ei av sideelvane til Sunzja frå høgre. Elva er 148 km lang og har eit nedslagsfelt på 3 390 km².

Argun
elv
Land	Russland,  Georgia
Nedslagsfelt	3 390 km²
Lengd	148 km
Munning	Sunzja
Argun i Kaukasus 42°30′22″N 45°04′20″E / 42.5061°N 45.0722°E / 42.5061; 45.0722
Wikimedia Commons: Argun River (Caucasus)

Elva har utspring i Georgia, på nordsida av Store Kaukasus, og renn frå der ned gjennom vestlege område av Tsjetsjenia til ho munnar ut i Sunzja rundt 20 km aust for Groznyj.

Området ved Argun var den første staden der tsjetsjenarar busette seg, og det finst mange ruinar av tidlegare landsbyer bygd i tradisjonell stil. Før krigane i Tsjetsjenia hadde regionen ved elva mange gardar og hus. Byen Argun, som er kalla opp etter elva, ligg rundt 7 km oppfor munningen i Sunzja.