Aalborg

Aalborg eller Ålborg er den fjerde største byen i Danmark, etter København, Aarhus og Odense, regionsenter i Region Nordjylland, og har eit folketal på 128 644 (2013). Dei tidlegaste busetnadane går heilt tilbake til rundt år 700. Byen ligg ved Limfjorden, opphavleg på sørsida, men femnar no òg om den tidlegare sjølvstendige byen (kjøpstaden) Nørresundby på nordsida av sundet.

Aalborg
Nytorv i Aalborg Foto: Tomasz Sienicki
Byvåpenet til Aalborg
Styresmakter
Land Region Kommune	Danmark Region Nordjylland Aalborg kommune
Grunnlagd	Alabu skreve på myntar frå 1035. Kjøpstadsrettar i 1342.[1]
Borgarmeister	Thomas Kastrup-Larsen S (2014-2017)[2]
Geografi
Flatevidd	139 km²
Innbyggjarar  - By (2013)	128 644[3]
Koordinatar	57°02′06″N 9°55′52″E / 57.03500°N 9.93111°E / 57.03500; 9.93111
Diverse anna
Heimeside: aalborg.dk

Byen var ei viktig hamn i mellomalderen og vart seinare eit industrisenter med mellom anna sementfabrikkar. I dag er byen i ein overgangsfase får å vere ein arbeiderklasse- og industriby, til å verte ein by som baserer seg på meir kunskapsorienterte verksemder. Ei av dei viktigaste drivkreftene for denne overgangen er Aalborg universitet, grunnlagd i 1974.

Byen er i dag kjend for snaps, og De Danske Spritfabrikker vart grunnlagd i 1881 av C. F. Tietgen og C. A. Olesen.

Aalborg tårn står på ei høgd i byen, og gjev eit flott utsyn over byen med ei høgd på over 100 meter.

Aalborg er trafikkknutepunkt for europavegane E39 og E45.