Xylografi
Xylografi (av gresk xylos, 'tre') eller trestikk er ein grafisk metode der ein graverer ei trykkplate i eit særs hardt treslag, ofte buksbom. Trestikket skil seg frå tresnittet ved at det vert skore i endeveden, ikkje i langveden, slik at ein vert uavhengig av retningane i veden og kan arbeide med tynnare og finare liner. I trestikket kan ein få fram mange valørar av gråtonar.
Metoden vart oppfunnen av briten Thomas Bewick og vart mykje bruka for framstilling av bokillustrasjonar på 1800-talet.
-
Trestykke gravert av Thomas Bewick. Det har same høgd som trykketypar slik at det kan trykkast saman med tekst.
-
Trestykket sett ovanfrå.
-
Bilete trykka frå trestykket.
Litteratur
[endre | endre wikiteksten]- Johannesson, Lena, Xylografi och pressbild: bidrag till trägravyrens och till den svenska bildjournalistikens historia. Stockholm 1982.
