Tessa Niles

Tessa Niles (fødd Tessa Margaret Webb, 1961 i Ilford i Essex)^[1] er ein engelsk songar, mest kjend som korsongar for mange artistar. Ho byrja den profesjonelle karrieren i 1979.

Niles byrja den profesjonelle karrieren som både solo- og korvokalist i 1979. Gjennom karrieren har Niels arbeidd med mange artistar som ABC, Eric Clapton, Kiri Te Kanawa, The Rolling Stones, Annie Lennox, Tears For Fears, Duran Duran, Kylie Minogue, David Bowie, The Police, Take That, Grace Jones, Tina Turner, Paul McCartney, George Harrison, Steve Winwood, Morrissey–Mullen, Snowy White, Tom Jones, Marillion, Fish, Pet Shop Boys, Buddy Guy, B*Witched, Victoria Beckham, Nick Carter, Cliff Richard, Mike + The Mechanics, Zucchero, Status Quo, Robbie Williams, Gary Numan, Wham!, Dusty Springfield, The The, Jimmy Nail, Cher, Cabaret Voltaire og John Denver.

I midten av 1980-åra var Niles frontperson (i lag med Clive Griffin) i jazzgruppa Bandzilla, som var leia av den dåverande ektemannen hennar, Richard Niles. Bandet turnerte og var husband på Channel 4-showet Don't Miss Wax i 1987. I 1991 gav bandet ut debutalbumet Blue Movies, igjen med Niles som førstevokalist.

Niles har hatt stemme og sunge i mange TV-reklamar for Barbie, Levi's, Cadillac, Diet Pepsi, Delta Air Lines, Aquafresh, KFC og DHL.

Ho byrja å arbeide med Eric Clapton i 1986 på albumet August. Ho turnerte med han frå 1988 til 1992, og igjen i oktober 1997 og i 1999. Ho song korvokal på Unplugged-konserten hans i 1992. Niles var òg med konsertane Crossroads Benefit Concert i 1999 og The Concert For George i november 2002.

Niles song ein versjon av songen «All I Want For Christmas Is You» for filmen Love Actually i 2003.

Niles song òg på Live Aid på Wembley i 1985, der ho song korvokal for David Bowie.

• Tessa Niles-diskografi på Discogs
• Tessa Niles ved The Internet Movie Database (IMDb)