Skyss-stasjon

Skyss-stasjon (eller mest vanleg skysstasjon) var ein sentralt plassert gard eller annan bygning der reisande i gamle dagar kunne få hest og kjerre for ferda vidare, i tillegg til kost og losji. Mot godtgjersle hadde skysstasjonane visse plikter som t.d. å halde nok reiseklare hestar for ferdafolk.

Skyssvesenet i Noreg går langt attende i tid, og vart oppheva ved lov av 25. mai 1951.

I nyare tid har ein tatt å nytte ordet skysstasjon for knutepunkt for kollektivtransport. Ein slik ny skysstasjon er Lillehammer Skysstasjon som har omstiging både for buss og tog.^[1] Fagernes Skysstasjon er knutepunkt for bussruter i Valdres.^[2]

I tillegg til sjølve transporttiilbodet er det òg vanleg at skysstasjonar har enkle serveringsatader og kioskar.

1. ↑ Lillehammer skysstasjon, arkivert frå originalen 8. mai 2012, henta 6. april 2012 
2. ↑ Fagernes Skysstasjon, arkivert frå originalen 30. april 2012, henta 6. april 2012