Sha'ar HaGolan

Sha'ar HaGolan
kibbutz
Land	Israel
Region	Golanhøgdene
Distrikt	Nord distrikt
Kommune	Emek HaYarden
Koordinatar	32°41′11.4″N 35°36′11.87″E / 32.686500°N 35.6032972°E / 32.686500; 35.6032972
Folketal	570 (2015)
Grunnlagd	21. mars 1937
•  Grunnlagd av	Tsjekkoslovakiske og polske Hashomer Hatzair-medlemmar
Tilhøyrsle	Kibbutzrørsla
Sha'ar HaGolan 32°41′11″N 35°36′12″E / 32.6865°N 35.603297222222°E / 32.6865; 35.603297222222
Kart som viser Sha'ar HaGolan.
Wikimedia Commons: Shaar HaGolan
Nettstad: www.shaar-hagolan.co.il

Sha'ar HaGolan (hebraisk שַׁעַר הַגּוֹלָן, tyder Porten til Golan) er ein kibbutz ved foten av Golanhøgdene i Jordandalen nordaust i Israel. Han ligg mindre enn 1 km frå grensa til Jordan og høyrer til Emek HaYarden regionale kommune. I 2006 hadde han eit folketal på 504.

Sha'ar HaGolan vart grunnlagd den 21. mars 1937 av medlemmar av Hashomer Hatzair ungdomsrørsle frå Tsjekkoslovakia og Polen. Grunnleggjarane møttest og vart organiserte som eit lag i 1930 i Rishon LeZion og vart kalla «Ein Hakore» fram til 1937, då dei oppretta kibbutzen som ei tårn og palisade-busetjing.

Under slaget i Kinarotdalen i den arabisk-israelske krigen i 1948, måtte forsvararane i kibbutzen, i tillegg til dei i nabokibbutzen Masada, trekkje seg attende på grunn av mangel på forsterkingar og ordrar. Kibbutzenim vart erobra og for ei kort stund halde av den syriske hæren. Dei vart då plyndra og sette i brann.^[1]

Utgravingar ved Sha'ar HaGolan har avdekt ein 8 000 år gammal landsby og ein har funne dei eldste keramikkgrytene som er funne i ISrael. Denne landsbyen frå yngre steinalder var busett av folk som gav opp ein nomadisk livsstil til fordel for permanent busetnad, og markerte ei endring frå jakt- og samling til jordbruk.^[2]

• Offisiell nettstad
• El Mul Golan Arkivert 2005-09-21 ved Wayback Machine.