Ottadalen

Ottadalen
dal
Land	Noreg
Ottadalen 61°50′00″N 9°14′00″E / 61.833333333333°N 9.2333333333333°E / 61.833333333333; 9.2333333333333
Wikimedia Commons: Ottadalen

Ottadalen er den nørste av dei store sidedalane i Gudbrandsdalen og består av kommunane Skjåk, Lom, Vågå og delar av Sel. Namnet kjem frå elva Otta som renn gjennom dalen. Frå sør i Skjåk til Vågåmo går elva som eit vatn, som heiter Skim nord for Fossbergom i Lom og Vågåvatnet vidare til Vågåmo.

Ottadalen har vore mykje brukt som ferdselsåre mellom Vestlandet og Austlandet over Strynefjellet til stryn, Langedalen til stranda, over Jostedalsbreen til Jostedalen og Luster; og Sognefjellet til Sogn. Det er og ein snarveg frå Vågå, langs Jotunheimen og til Fagernes.

Ottadalen byrjar frå Strynefjellet i vest, og tek med mange smådalar, som Tundradalen, Tordalen, Lundadalen, Raudalen og Bråtådalen, som munnar ut i Skjåk. I Lom kommune inneber det Bøverdalen, som startar på Sognefjellet, og Vårdalen, som dei viktigaste dalføra. I området nordanfor mellom Lom og Skjåk, byrjar Finndalen som går austover og munnar ut i Vågå. Elles har Vågå Sjodalen, som startar i området rundt Valdresflyi, og går over i Heidal som går austover og munnar ut i Sel.

Breheimen, Jotunheimen og Reinheimen er dei tre nasjonalparkane i området.

Ottadalen har fylgjande vegar:

Fylkesvegar:

• Fylkesveg 436 i Oppland Baksida Vågåmo - Otta
• Fylkesveg 438 i Oppland Rosten - Nord-Sel
• Fylkesveg 453 i Oppland Vågåmo - Finndalen
• Fylkesveg 454 i Oppland Solsida Vågåmo - Øverbygda
• Fylkesveg 456 i Oppland Lalm - Heidal
• Fylkesveg 467 i Oppland Solsida Lom - Flåklypa(Bøverdalen)
• Fylkesveg 468 i Oppland Solsida Vågåmo - Lom
• Fylkesveg 471 i Oppland Galdesand(Bøverdalen) - Bøverdalen (Bomveg til Neto sætergrend)
• Fylkesveg 473 i Oppland Solsida Vågåmo - Lom
• Fylkesveg 483 i Oppland Solsida Nye Vollungsbrua - Staurust
• Fylkesveg 484 i Oppland Baksida Nye Vollungsbrua - Lundagrendi - Skamsar
• Fylkesveg 485 i Oppland Solsida Skamsar - Gjøingsli - Dønfoss
• Fylkesveg 486 i Oppland Bråtå Dønfoss - Sota sæter

Riksvegar:

• Otta - Måløy
• 51 Vågå - (Randsverk) vinterstengt over Valdresflyi til Valdres
• 55 Lom - (Bøverdalen) vinterstengt over Sognefjellet til Luster
• 63 Langvatnet vinterstengt til Geiranger; Langedalen - Geiranger
• 258 Gamle Strynefjellsvegen: Grotli vinterstengt til Videsæter; Strynefjellet - Videsæter

Næringslivet går hovudsakleg i skogbruk, jordbruk og tenesteytande næring. Ottadalen hadde ein lokalradio saman med Lesja og Dovre som heitte Nordalsradioen, men er no kjøpt opp av mediaindustrien i Midtdalen og sjølv om han enno heiter Nordalsradioen, so er han konsentrert i området mellom Lillehammer og Otta. Ottadalen har lokalavisa Fjuken, som eig mykje av lokalavisa Vigga, for Lesja og Dovre.

Ottadalen mølle er ei samanslutning av Ofossen mølle i Skjåk og mølla i Lom, der hovudproduksjonen er. Ottadalen billag var billaget i Ottadalen, og hadde tatt seg av nesten all den lokale busskøyringa. Billaget er i dag kjøpt opp av Fjord1, og fjord 1 Ottadalen er oppkjøpt av Trønder Bilane noko som gjer at det gamle billaget blir viktig når det gjeld busstransport mellom Austlandet og Vestlandet. før i tida var det Sel kommune som hadde billaget. da hette det Ottdalen Kommunale Billag (OKB)

• [1] Arkivert 2008-06-11 ved Wayback Machine.
• [2]
• [3]