Monte Roraima

For andre tydingar av oppslagsordet, sjå Roraima.

Monte Roraima
fjell
Roraima i April 2004
Land	Brasil,  Guyana  Venezuela
Fjellkjede	Pakaraima
Høgd	2 810 moh.
Primærfaktor	2 338 m
Koordinatar	5°11′N 60°46′W / 5.183°N 60.767°W / 5.183; -60.767
Førstestiging	Everard F. im Thurn
- dato	1884
Fjellet Roraima 5°08′31″N 60°45′51″W / 5.1419444444444°N 60.764166666667°W / 5.1419444444444; -60.764166666667
Wikimedia Commons: Mount Roraima

Monte Roraima, òg kjend som Cerro Roraima, Pico do Roraima, eller berre Roraima er verdas høgste tepui, platåfjell, med eit toppunkt på 2 810 moh. og ei gjennomsnittleg platåhøgd på 2 500 moh. Roraima ligg på grensa mellom Venezuela, Brasil og Guyana. Det er det høgste punktet i Guyana medan både Venezuela og Brasil har andre fjell som er høgare.

Roraima er eit platåfjell av sandstein som stig opp av eit landskap med skog og savanne. Det er eit av fleire tepuiar i Canaima nasjonalpark i Venezuela og Roraima utgjer eit hjørnepunkt i sørvest for omrisset av nasjonalparken. Desse platåfjella i parkområdet er sett på som nokre av dei eldste geologiske formasjonane ein finn på jorda. Dei er datert til prekambrium, geologar trur tepuiar oppstod for ca. to milliardar år sidan. I heile Gran Sabana i Venezuela finst det 97 slike platåfjell.

Fjellsidene rundt Roraima er steile og bratte, men det finst ei rute opp til platået frå venezuelansk side som ikkje krev klatring og som er mykje brukt av turistar med utgangspunkt frå byen Paratepui.