Douala

Douala
by
Land	Kamerun
Areal	210 km²
Folketal	2 768 436 (2015)
Douala 4°03′N 9°42′E / 4.05°N 9.7°E / 4.05; 9.7
Wikimedia Commons: Douala

Douala er ein by i Kamerun og regionshovudstad i Littoral. Byen ligg ved munningen av elva Wouri, rundt to mil frå fra Guineabukta.^[1] Namnet Douala stammar frå bantufolket duala/douala, som opphavleg budde på staden. Namnet erstatta det tidlegare Kamerunstadt i 1907.^[1] Douala hadde 1 884 802 innbyggarar i 2005. Byen har lenge hatt omtrent like stort folketal som den kamerunske hovudstaden Yaoundé. Lenge var Douala den største byen i Kamerun, men no er Yaoundé større.

Byen har ein stor produksjon av kakao, kaffibønner, palmeolje, bananar og tømmer. Desse varene blir eksporterte via hamna. Douala har også tekstil-, næringsmiddel- og treforedlingsindustri, og det blir drive produksjon av øl, leskedrikkar og aluminiumsprodukt her.^[1]

Douala blei tysk i 1884, med namnet Kamerunstadt, og var hovudstaden i Tysk Kamerun frå 1901 til 1916. Frå 1940 til 1946 var han hovudstaden i Fransk Kamerun.^[1]

Det går jernbanelinjer frå Douala til byane Yaoundé, Ngaoundéré, Kumba og Nkongsamba. Byen har ei 1 800 meter lang bru over Wouri.^[1] Han har òg ein internasjonal flyplass, Douala internasjonale lufthamn.

• Strasbourg i Frankrike.
• Akhisar i Tyrkia.
• Dakar i Senegal.
• Newark i USA.
• Philadelphia i USA.
• Windhoek i Namibia.

Commons har multimedium som gjeld: Douala

• Offisiell nettstad
  Denne geografiartikkelen er ei spire. Du kan hjelpe Nynorsk Wikipedia gjennom å utvide han.