Brita Lid

Brita Lid (28. januar 1893–9. mars 1979) var ein norsk lærar og forfattar frå Voss. Johannes og Nils Lid var brørne hennar.

Brita Lid tok eksamen artium i 1916 og gjekk den neste skulevinteren på Volda lærarskule. Åra 1918-20 var ho lærar ved Sørlandet kristelege ungdomsskule, så 1920/21 ved Grenland ungdomsskule og 1921/22 ved Sagavoll ungdomsskule. Frå 1922 til 1954 var ho lærar i folkeskulen i Volda.

Lid gav ut seks forteljingar og historiske romanar, i tillegg til éi diktsamling. Forteljinga Gjennom eld og vatn frå 1933 vart filmatisert same året.

Ho var frå 1946 styremedlem i Norsk kristeleg forfattarlag.

• Gunnvor, 1929
• Livet tek til, 1930
• Det dagast, 1931
• Gjennom eld og vatn, 1933
• Dvergsmedsteinar 1934 (dikt)
• Makter og herrevelde, 1937
• Stormtid, 1950

• Norsk Allkunnebok. VIII. bandet. 1957