Alf Storelvmo

Alf Ole Storelvmo (7. februar 1938–15. mai 2014) var ein norsk langrennsløpar, fødd og død i Sørreisa.

Han slo gjennom i 1962 og vart noregsmeister på 15 km det året etter ein sekundstrid med Magnar Lundemo og Sverre Stensheim. Til sist var han 0,7 sekund føre Lundemo i mål. Hans einaste VM-renn var 15 km i Zakopane i 1962. Her enda han på 25. plass, over fem minuttar bak verdsmeisteren Assar Rönnlund frå Sverige. Året etter, 1963, vart han nr 2 på 15-kilometeren i Holmenkollen, bak Hallgeir Brenden. I tur og orden var Storelvmo medlem av Sørreisa Skilag, Mo Skilag og BUL Oslo. Både i 1961 og 1970 var han med på BUL sine vinnarlag i NM-stafetten på 3x10 km. Første gongen gjekk han i lag med Arne Jensen og Ingmund Holtås, andre gongen med Odd Martinsen og Lorns Skjemstad. Både i 1960 og 1971 fekk han NM-sølv for BUL i stafett.

• 1962: Nr 11 på 15 km i Holmenkollen
• 1963: Nr 2 på 15 km i Holmenkollen
• 1964: Nr 8 på 15 km i Holmenkollen
• 1969: Nr 9 på 15 km i Holmenkollen

• Ski-NM 1960: Nr 11 på 15 km i Nedre Eiker, og NM-sølv i stafett for BUL Oslo
• Ski-NM 1961: Gull i 3x10 km stafett med BUL Oslo
• Ski-NM 1962: Gullmedalje på 15 km i Skien
• Ski-NM 1963: Nr 5 på 15 km på Rælingen
• Ski-NM 1965: Nr 5 på 30 km på Fåberg
• Ski-NM 1966: Nr 10 på 15 km på Hernes
• Ski-NM 1969: Nr 6 på 15 km i Alvdal
• Ski-NM 1970: Nr 11 på 50 km i Meldal og gull i 3x10 km stafett med BUL Oslo
• Ski-NM 1971: Sølv i 3x10 km stafett med BUL Oslo

Storelvmo vann Monolittrennet i 1964.

• Sportsboken, aktuelle årgangar