Redaktør

Redaktør, på nynorsk også bladstyrar, er ei nemning på styraren av eit blad, skrift eller avis. Redaktøren har suveren rett til å styre over bladet, og difor også eineansvar for kva som står på trykk i bladet. «Ansvarleg redaktør» er den vanlege nemninga i Noreg på den redaktøren som har det øvste og endelege ansvaret for det publiserte innhaldet i eit redaksjonelt verk etter kapittel 48 i straffeloven.

I større aviser eller blad har redaktøren gjerne tittelen sjefredaktør, men fleire redaktører under seg med delegert ansvar. Tittelen vert også brukt om redaksjonsleiarar i radiokanalar, fjernsynskanalar og nettaviser.

Redaktørrolla har endra seg gjennom tidene. Mange redaktørar i dag arbeider etter Redaktørplakaten, som er ei felles erklæring frå Norsk Redaktørforening og Mediebedriftenes Landsforbund.