Åsane prosti

Åsane prosti tidlegare Arna og Åsane prosti er eit tenestedistrikt i Bjørgvin bispedømme i Den norske kyrkja. Det femner Osterøy kommune og Arna og Åsane i Bergen kommune. Prosten har sete i Åsane.

Prostiet vart skipa i 1990. Det femnde då prestegjelda Arna og Åsane. Dei høyrde før det til Bergen Domprosti.^[1] Lenger attende høyrde Arna til Haus prestegjeld og Åsane til Hamre prestegjeld. I 2014 vart sokna på Osterøy ført over til Arna og Åsane prosti frå Nordhordland prosti.^[2] Frå 1. juni 2015 endra prostiet namn frå Arna og Åsane prosti til Åsane prosti.^[3]

Prostia er inndelte i sokn. Soknet er grunneininga i Den norske kyrkja. Dei som arbeider i kyrkja er anten tilsette av soknet gjennom kyrkjeleg fellesråd, eller dei er tilsette i prostiet. Dei fleste prestane er tilsette i prostiet, og har tenesta si knytt til eitt eller fleire sokn.

Prostiet har elleve sokn (2014).

• Arna sokn
• Biskopshavn sokn
• Bruvik sokn
• Eidsvåg sokn
• Gjerstad sokn i Hordaland
• Hamre sokn
• Haus sokn
• Hosanger sokn
• Salhus sokn
• Ytre Arna sokn
• Åsane sokn

Prestetenesta vart tidlegare leia lokalt gjennom prestegjeld. Ordninga vart fasa ut frå 2004. Før utfasinga hadde Arna og Åsane prosti desse prestegjelda:

• Åsane prestegjeld med
  • Åsane sokn

• Arna prestegjeld med
  • Arna sokn
  • Ytre Arna sokn

• Biskopshavn prestegjeld med
  • Biskopshavn sokn

• Eidsvåg prestegjeld med
  • Eidsvåg sokn

• Salhus prestegjeld med
  • Salhus sokn

• Kyrkjer i Noreg etter kommune