Wittenmoor (Karkwals)

Wapen/Flagg	Koort
Basisdaten
Bundsland: Neddersassen Landkreis: Rodenborg Samtgemeen: Bootel Gemeen: Karkwals
Inwahners:
Postleettall:	27386
Vörwahl:	04269
Geograafsche Laag:	Koordinaten:53° 1′ N, 9° 26′ O53° 1′ N, 9° 26′ O

Wittenmoor (hoochdüütsch Weißenmoor) is en lütten Oort in de Gemeen Karkwals (Samtgemeen Bootel) in’n Landkreis Rodenborg, Neddersassen.

De Oort liggt op de Geest an’n Rand von dat Witte Moor. Dat Water ut dat Rebeed flütt över’n Fedderlohmöhlenbeek un Hasselbeek na’e Rodau hen af.

De Naveröörd sünd Fedderlohmöhlen un Op’n Sand in’n Noorden, Riekenbossel in’n Noordoosten, Lürken in’n Oosten, Dreßel in’n Süüdoosten, Odeweg in’n Süden, Groten Zähln, Rahnhorst un Süderwals in’n Süüdwesten un Karkwals in’n Noordwesten.

De Hüüs von Wittenmoor sünd in dat 19. Johrhunnert anleggt worrn.

De Oort hett vör 1885 to de Amtsvaagdie Karkwals in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

Wittenmoor is evangeelsch-luthersch präägt un höört to dat Kaspel von de Bartholomäus-Kark in Karkwals.

För de Kathoolschen is de Corpus-Christi-Kark in Rodenborg tostännig.

För Wittenmoor is de freewillige Füürwehr Karkwals mit tostännig.

An Wittenmoor langs löppt de Kreisstraat 205, de in’n Noordwesten över Karkwals un Westerwals an de Bundsstraat 215 un na Ahusen geiht un in’n Oosten över Lürken na Wittörp an de B 440 ran.

De nächste Autobahn is de Autobahn 27 (Afsnidd Bremen–Wasra). De Opfohrten 25 Veern-Noord (an de B 215) un 26 Veern-Oost (an de L 171) doot all beid so 17 Kilometer in’n Süüdwesten von Wittenmoor liggen.

De nächste Bahnhoff is so bi 15 Kilometer wied weg in’n Noorden de Bahnhoff Rodenborg an de Bahnlien Hamborg–Bremen.

De Kinner gaht na de Grundschool Karkwals.

1. ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
2. ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
3. ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 179
4. ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 151