Schipperke
| Schipperke | |
|---|---|
 | |
| FCI - Standard Nr. 83 | |
| Patronat | Belgien |
| Klassifikatschoon FCI |
|
| Rassenaam na FCI |
Schipperke |
| Schufthööcht | Rüde: 27,5–32,5 cm Teev: 25-30 cm |
| Gewicht | 3 bit 9 kg (anstreevt 4 bit 7 kg) |
| List vun de Hunnenrassen | |
De Schipperke [Utspraak: [ˈsxɪpərkə]] is en vun de FCI anerkannt belgisch Hunnenrass (FCI-Gruppe 1, Sektschoon 1, Standard Nr. 83).
Beschrieven
[ännern | Bornkood ännern]De Schipperke (in de fläämsch Spraak mit de Bedüüden „Lütt Scheperhund“) hett en hart, glänzend, dick Deckhoor mit dicht Ünnerwull, dat licht to pleegen is. An den Hals un an de Achterpooten is dat länger (Kragen un Büxen). De Farv is swaart ahn Afteeken. De Schipperke hett en körten liek, stark Rügg un sien Hals is breet un lang. De Rute is hooch ansett, in Ruhestellung meestens daalhangend, in de Bewegung erhöht, fehlt aber af un to deelwies oder kumplett (Brachyurie). Sien breet Vossgesicht, sien dunkelbruun, mandelförmig lütt Oogen as ok de hooch ansett dreeeckig, düchtig beweglich stahn Ohren führen to en waaksam Utdruck. De Schipperke is en sportlich Hund un sull entsprekend Hollensbedingungen finnen.
Herkunft un Verbreeden
[ännern | Bornkood ännern]De Hund kummt oorsprünglich ut Flannern un wurr in Belgien un de Nedderlannen tücht. De belgisch Königin Marie Henriette hett 1885 bi en Utstellung in Brüssel en Schipperke köfft. Dat führ dorto dat sück de Rass gau verbreeden dee un bannig anseggt weer. De Rassestandard besteiht siet 1888.
Typ
[ännern | Bornkood ännern]De Schipperke wurr un wurrd hööftsächlich as Röttenfänger, Boots-, Waak- un Familienhund insett.
Wesen
[ännern | Bornkood ännern]De Schipperke is, as he luut Rassestandard ween sall, upwaakt un immer in Aktschoon. Frömden tegenöver is he aber torüchhollend. He wiest sück lehrfreudig, leevhaft un neeschierig. As Waakhund meld he hervörragend, dat heet, he bleekt, wenn wat ut sien Sicht Upfälliges passeert. Buterdem verteedigt he Dinge, de he bewaaken deiht.
