Robert Tillmanns

Robert Tillmanns (* 5. April 1896 in Barmen; † 12. November 1955 in Berlin) weer en düütsch Politiker (CDU).

He weer van 1953 bit to sien Dood Bundsminister för besünnere Upgaaven.

Nah sien Abitur 1914 nehm Tillmanns bit 1918 as Suldat an de Eerste Weltkrieg deel. Dornah studeer he van 1919 bit 1921 Staatswetenschapen. 1921 hett he denn ok sienen Dokter an de Universität Tübingen makt.

Van 1922 bit 1930 weer he as Hööftgeschäftsführer vun dat Studentenwark as ok för de Studienstiftung des deutschen Volkes tätig.

Af 1931 weer he Regeerensraat in dat preußisch Kultusministerium, 1933 wurr he ut politisch Grünnen entlaten. Bit 1945 hett he denn in de Middeldüütsch Montan-Industrieverwaltung arbeit.

Nah Kriegsenn’ weer he bit 1949 Generalsekretär vun dat Hilfswerks vun de Evangeelsch Karken in Düütschland.

Tillmanns weer siet 1925 mit Herta Naegelsbach (1904-1995) verheiraadt un harr dree Döchter.

Nah den Tweeten Weltkrieg hörr he 1945 tosommen mit Jakob Kaiser un Ernst Lemmer to de Mitbegründer vun de CDU in Berlin un de Sowjeetsche Besatzungszone.

Van 1949 bit 1952 weer he eerst stellvertredend Landsvörsitter un af den 26. April 1952 Landsvörsitter vun de CDU Berlin.

Af 1950 weer he Liddmaat vun den Bundsvörstand vun de CDU un siet 1955 stellvertredend Bundsvörsitter. 1952 hett he den evangeelschen Arbeitskreis in de CDU/CSU grünnd un weer deren Bundsvörsitter siet 1954.

Van 1946 bit 1947 weer he Liddmaat vun den Sassenschen Landdag un van 1949 bit to sien Dood Bundsdagsafordneter.

Nah de Bundsdagswahl 1953 wurr Tillmanns an’ 20. Oktober 1953 to’n Bundsminister för besünnere Upgaaven in de vun Konrad Adenauer föhrt Bundsregeeren. He hett dat Kabinett in sien Amtstiet in de Ältestenrat vun de Bundsdag. He weer en vun de wenig Ministers, de in’t Amt storven sünd.

• Wilfried Becker (Hrsg.): Lexikon der Christlichen Demokratie in Deutschland, S. 386. Paderborn 2002.
• Hermann Brügelmann, Klaus Simon (Hrsg:): Robert Tillmanns. Eine Lebensleistung. - 161 S., Evang. Verlagswerk, Stuttgart 1956.
• Christopher Hausmann, in: Kempf, U.; H.-G. Merz (Hrsg.): Kanzler und Minister 1949 – 1998, S. 760 ff, 2001.
• Norbert Kaczmarek: Robert Tillmanns. In: Christliche Demokraten der ersten Stunde. Bonn 1966.

• Robert-Tillmanns-Haus e.V., Politischer Träger der Erwachsenenbildung [1]
• Tillmanns up de Sieden vun de Düütsch Nationalbibliothek

Ministers för sünnere Opgaven vun de Bundsrepubliek Düütschland

Waldemar Kraft/Hermann Schäfer/Franz Josef Strauß/Robert Tillmanns | Heinrich Krone | Ludger Westrick | Horst Ehmke | Egon Bahr/Werner Maihofer | Wolfgang Schäuble | Hans Klein | Rudolf Seiters | Sabine Bergmann-Pohl/Günther Krause/Lothar de Maizière/Rainer Ortleb/Günther Krause | Friedrich Bohl | Bodo Hombach | Thomas de Maizière | Ronald Pofalla | Peter Altmaier