Peerd (Schach)

Schachfiguren
	König
	Daam
	Toorn
	Löper
	Peerd
	Buer

Dat Peerd is en Speelfigur ut dat Schachspeel. Tosammen mit den Löper höört dat to de Lichtfiguren. To den Anfang vun en Partie hett jedeen Speler twee Peer: de witten staht op de Feller c1 un f1, de swarten staht op c8 un f8.

Dat Peerd kann op een vun disse 8 Feller trecken.

Dat Peerd treckt anners as de annern Schachfiguren: Dat treckt twee Feller waagrecht oder lootrecht un geiht denn noch een Feld to de Siet. (Oder anners kann een ok seggen: dat Peer treckt een Feld waagrecht oder lootrecht un denn een Feld dwars, woans een dat rekent is eendoont.) De kumplette Toog süht denn ut as en „L“. Un anners as all de annern Figuren springt dat Peerd över annere Figuren weg. Dorbi wesselt ok jümmers de Klöör vun dat Feld: vun en witt Feld treckt dat Peerd op swatt un annersrüm.

För en Peerd is dat goot, wenn dat merrn op dat Schachbrett steiht, denn kann dat 8 Feller angriepen. Wenn dat an den Rand steiht sünd dat noch 4 un vun de Eck ut sünd dat bloots noch twee.

En starke Positschoon för en Peerd: in en Lock vun de Buernstruktur.

Wichtig is ok noch, dat dat Peerd alle annern Figuren angriept, ahn dat disse Figuren dat Peerd angriept (un dat gellt ok annersrüm). Dat heet, dat Peerd kann sik en Positschoon op dat Brett en Seker Positschoon söken, un vur dor angriepen (kiek op dat Bild).

Dat Peerd is üm un bi so veel weert as de Löper: dree Buern. Aber wieldat de Klöör vun de Feller, op de dat Peerd steiht, bi jedeen Toog wesselt, kann dat Peerd op alle Feller vun't Brett trecken. Bi den Löper is dat anners: de kann de Klöör nich wesseln un kann dormit ok blots dat halve Brett angriepen, ok dann, wenn he so veel treckt, as he will.