Kalliope (Mythologie)

Kalliope (greeksch Καλλιόπη, "de mit de mooie Stimm", ok Calliope) is en vun de negen Musen ut de Greeksche Mythologie. Se is de Muse vun Epos un Elegie, vun Wetenschop un Philosophie.

As al Musen is Kalliope en Göddin. Se is ja en Dochter vun Zeus un siene Leevste Mnemosyne. Mit den Olymschen Gott Apollon hett se de Söhns Orpheus un Linos. As dat twuschen Aphrodite un Persephone to’n Striet kümmt över den Adonis, dor is se de Richtersche twuschen jem.

Kalliope is de öllste vun de Musen un weet ok an’n meisten. Ehr Teken is de Schrievtafel.

De Asteroid (22) Kalliope, de 1852 updeckt wurrn is, hett sien Naam vun düsse Muse herkregen.

Ok de zentrale düütsche Datenbank vun Nalatenschoppen un Autographen heet Kalliope un hett sien Naam vun düsse Muse her.

En Tietschrift för Literatur un Kunst, vun März 2008 af an rutgeven veermol in’t Johr vun den “Bernstein-Verlag’’, heet just so Kalliope, as en Figur in den Roman „Fool on the Hill“ vun Matt Ruff.

Kalliope. Mehr Biller, Videos oder Audiodateien to’t Thema gifft dat bi Wikimedia Commons.