Horst Hrubesch

Horst Hrubesch (* 17. April 1951 in Hamm) is en ehmalger düütsch Footballspeler un -trainer.

De Middelstörmer fung sien Loopbahn 1958 bi FC Pelkum an, wo he bit 1970 bleev, dornah wessel he to Germania Hamm. 1971/72 speel he för den Hammer SV un denn van 1972 bit 1975 bi SC Westtünnen. Relativ laat keem he to’n Profi-Football. Van 1975 bit 1978 speel he bi Rot-Weiß Essen un van 1978 bit 1983 bi den Hamburger SV. Dornah wessel he to Standard Lüttich un in de Saison 1985/86 speel he för Borussia Dortmund. In 224 Bundsligaspelen hett he 224 Doren schaaten. He gull as „Kopfballungeheuer“ un mit Manfred Kaltz as Flankengever bill he en goot Düppel. 1982 wurr he denn ok Doorschüttenkönig in de Football-Bundsliga.

För de düütsch Natschonalmannschap hett he in de Johren 1980 bit 1982 insgesamt 21 Lännerspelen maakt un dorbi 6 Doren schaaten. He wurr mit de Mannschap 1980 Europameester un nehm ok an de Football-Weltmeesterschap 1982 deel.

Later weer he noch Trainer bi verscheeden Vereens un för den DFB.

• Bernd Rohr, Günter Simon: Fußball-Lexikon, 2004 Copress Verlag, ISBN 3-7679-0829-8