Ho Feng Shan

Ho Feng Shan (chineesch 何鳳山 / 何凤山, Hé Fèngshān; * 10. September 1901 in Yiyang, Hunan, Kaiserriek China; † 28. September 1997 in San Francisco), is en chineeschen Diplomaten ween. He hett Hunnerte, unner Umstänn Dusende, vun Joden in de Tied vun’n Tweeden Weltkrieg rett.

As de Söhn vun en Buern hett Ho 1921 bit 1925 an de Universität Yali in Changsha studeert. 1926 hett he en Stipendium kregen, datt he sik in Düütschland an de Ludwig-Maximilians-Universität München wieter billen konn. Dor hett he 1932 promoveert un is Dokter in de Weertschopswetenschopen wurrn. Vun 1937 af an hett Ho Feng Shan for dat chineesche Kunselat in Wien in Öösterriek arbeit. As dat Land 1938 vun Nazi-Düütschland overnahmen wurrn weer, bruukde man en „Emigratschoonsverlööf“ (as en Visum for dat Utland), wenn man ut Öösterriek utreisen wull. Ofschoonst siene Uppersten dor düütlich gegen weern, gung Ho bi un stell Visa ut for Schanghai. An un for sik weer dat nich nödig, en Visum to hebben, wenn een na Schanghai wull, man Jöden kemen ohn so’n Visum nich ut Ööstrriek rut. As Diplomaten is Ho later noch in Ägypten, Mexiko, Bolivien un Kolumbien togange ween. 1973 is he in’n Ruhstand intreden un 1997 is he in San Francisco sturven. 2001 hett he postum den Titel vun en Gerechten mank der Völker kregen. Dor weer he de tweede Chinees mit, na Pan Jun Shun, de düssen Titel kregen hett.

• Einzelnachweis von Yad Vashem (PDF-Datei; 59 kB)