Flagg vun den Freestaat Sassen

De Flagg vun den Freestaat Sassen besteiht ut en waagrecht deelt witt-gröön Bikolore. De Deenstflagg vun den Freestaat, de vun staatlich Stellen führt wurr, drocht tosätzlich dat Sassisch Wappen. Se wurr an' 3. Oktober 1990, mit de Neegrünnen vun den Freestaat Sassen weer inführt.

In Artikel 2 vun de sassisch Verfaaten heet dat in Afsatz 2:

Die Landesfarben sind Weiß und Grün.

In Afsatz 4 wurrd wiederhen ergänzt:

Im Siedlungsgebiet der Sorben können neben den Landesfarben und dem Landeswappen Farben und Wappen der Sorben, im schlesischen Teil des Landes die Farben und das Wappen Niederschlesiens gleichberechtigt geführt werden.

Bit 1815 weer de sassisch Flagg Swaart un Geel.

Nah de Befreeenskriegen, de Sassen an de Siet vun dat mit Frankriek verbünd Rhienbund verleesen dee, un den Wiener Kongress 1815 wurrn Witt un Gröön to de Landsfarven. So wurr nah de verlustrieken Slachten in de Befreeenskriegen ok nah buten hen en Neeanfang un de Afgrenzen vun de nu preußisch Provinz Sassen (hüüd gröttstendeels Sassen-Anholt, de bruukt bit hüüd en swaart-geel Flagg) vulltrucken. De Farven wurrn vun de Kokarden vun de sassisch Truppen övernommen – all bi de Rückkehr vun den König un de sassisch Truppen wurr Dresden in Witt un Gröön smückt.

All dornah folgen sassisch Staaten hemm ebenfalls de witt-gröön Flagg un dat Wappen vun de Wettiner in Gebruuk harrt. 1952 verlor de Flagge mit de Uplöösen vun Sassen in' Toog vun de Verwaltensreform in de DDR bit 1990 hör Funktschoon. Dat weer ok all so af 1933/34 wiels den Natschonalsozialismus.

• 
  Kurförstendom Sassen (bit 1806)
• 
  Königriek Sassen (1806–1815)
• 
  Königriek Sassen (1815–1918)
• 
  Freestaat Sassen (1918–1934)
• 
  Land Sassen (1945–1952)

To'n Deel gifft dat ok Dorstellen vun de Flagg mit dat jewielig kursassisch Wappen bzw. af 1806 königlich-sassisch Wappen.

Ok de meest döringsche Staaten, de ut de Ernestinsche sassisch Rebeeden entstahn weer hemm bit to dat Grünnen vun dat Land Döringen 1920 de Farven Swaart, Geel, Gröön un Witt in hör Flaggen bruukt.

Flaggen vun Sassen. Mehr Biller, Videos oder Audiodateien to’t Thema gifft dat bi Wikimedia Commons.

• Flaggenbeschrieven up sachsen.de
• Flaggenbeschrieven up Flaggenlexikon.de