Bram Tankink

Bram Tankink (* 3. Dezember 1978 in Haaksbergen) is en ehmalger nedderlannsch Radrennfohrer.

Tankink weer siet 2001 Profi bi dat belgisch Radsportteam Domo-Farm Frites. 2003 wessel he to dat Team Quick Step, bi dat he bit to’n Saisonenn‘ 2007 bleev. För Quick Step wunn Tankink twee internatschonale Rennen: Bi de Düütschland Tour 2005 kunn he mit en Solosieg up de eerst Deelstreck trotz en Stört sien eerst internatschonal Straatenrennen vör Juan José Cobo Acebo un Bernhard Eisel winnen.^[1] He övernehm dormit de Führung bi de Rundfohrt, de he bit to dat Enn’n vun de dart Deelstreck behollen kunn.^[2] In‘n September 2007 wunn he dat Eendagrennen Grand Prix Jef Scherens ebenfalls as Solosieger. Bi dat Rennen Acht van Chaam keem he in dat Johr up den darten Platz noch vör Steven de Jongh un Michael Boogerd. Bi en Kriterium in Maastricht keem he vör Laurens Ten Dam un Philippe Gilbert.

To de Saison 2008 is Tankink to dat Rabobank-Team wesselt, för dat he bit to dat Enn’n vun sien Loopbahn (2018) bleev, wobi sück de Naam vun de Mannschap mehrfack ännern dee. Groot Rennen kunn he nich mehr winnen. Bi de ENECO Tour 2008 keem he up den achten Platz.

Tankink hett an’n 13. Oktober 2018 bi de Ronde van Zeeland sien letzt Rennen bestreeden. Twee Week dornah wurr he nochmals en Dopingkontrolle ünnertrucken.^[3] In dat glieker Johr wunn he noch en Kriterium in Boxmeer vör Tom Dumoulin, Bauke Mollema, Dylan Groenewegen, Wout Poels, Mike Teunnissen, Steven Kruijswijk, Laurens Ten Dam un annern.

Tankink hett an 17 „Grand Tours“ deelnommen, van de he 14 ok to Enn‘ fohren is. Sien best Platzierungen weern Platz 39 bi de Tour de France 2007, Platz 34 bi de Vuelta a España 2009 un Platz 36 bi den Giro d’Italia 2011.

2005

• een Deelstreck Düütschland Tour

2007

• Grote Prijs Jef Scherens

2011

• Mannschapstietfohren Tirreno–Adriatico
• Sprintwertung Baskenland-Rundfohrt

Bram Tankink. Mehr Biller, Videos oder Audiodateien to’t Thema gifft dat bi Wikimedia Commons.

• Offizielle Website
• Bram Tanking in de Datenbank vun radsportseiten.net
• Tanking bi ProCyclingStats

1. ↑ Tankink halten auch Regen und ein Sturz nicht auf. In: radsport-news.com. 15. August 2005, afropen an’n 16. August 2020. 
2. ↑ Deutschland Tour 2005 up wvcycling.com afropen an’n 16. August 2020
3. ↑ Tankink: Dopingkontrolle zwei Wochen nach Karriereende. In: radsport-news.com. 22. Oktober 2018, afropen an’n 17. Dezember 2018.