Armsdörp

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Loomst Gemeen: Armsdörp
Flach:	23,42 km²
Inwahners:	467 (2009-12-3131. Dezember 2009)
Inwahnerdicht:	19,9 Inwahners pro km²
Postleettall:	21769
Vörwahl:	04773
Geograafsche Laag:	Koordinaten:53° 36′ N, 9° 5′ O53° 36′ N, 9° 5′ O

Armsdörp (hoochdüütsch Armstorf) is en Dörp in de Gemeen Armsdörp, Samtgemeen Loomst in’n Landkreis Cuxhoben, Neddersassen.

Bi Armsdörp höört ok von öllers al de Oortsdeel Hoorn mit bi.

De Naveröörd sünd Loomst un Nindörp in’n Noordoosten, Hollen in’n Oosten, Langeln in’n Süden, Doornsood un Langenmoor in’n Süüdwesten un Hoorn, Maurismaur un Mittelsnohn in’n Noordwesten.

In de Oorkunnen kummt Armsdörp as Ismerstorpe toeerst 1112 vör. To de Tied hett dat dor söven Hööv geven.

In’n Düütsch-Franzööschen Krieg sünd twee Soldaten ut Armsdörp fullen oder vermisst^[1], in’n Eersten Weltkrieg 24 Soldaten un in’n Tweten 42^[2].

In de Franzosentied von 1810 bet 1814 hett de Oort to de Mairie Loomst in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Vör 1859 weer Armsdörp in de Vaagdie Loomst von dat Amt Bremervöör un denn von 1859 bet 1885 in dat Amt Oosten. 1885 is dat an’n Kreis Neehuus gahn un 1932 an’n Kreis Land Hadeln. 1977 is dat denn Deel von’n Landkreis Cuxhoben worrn.

Armsdörp is evangeelsch-luthersch präägt un höört to dat Kaspel von de Bartelmees-Kark in Loomst.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Dat Wapen von Armsdörp wiest op blauen Grund baven söven gollen Ruten un ünnen, von en sülvern Wellenlien deelt, en gollen Hoorn. De söven Ruten staht för de söven Hööv, de dat Dörp harr, as dat 1112 toeerst in de Oorkunnen vörkamen is.

En Gedenktafel för de Fullenen ut Armsdörp in’n Düütsch-Franzööschen Krieg hängt in de Bartelmees-Kark in Loomst un en Denkmaal för de Fullenen ut de twee Weltkrieg’ steiht bi’n Karkhoff in Armsdörp.

De Schüttenvereen is 1927 grünnt worrn, de Kriegervereen 1904 un de Sportvereen 1923. In’n Sportvereen is besünners Fuustball wichtig.

Armsdörp liggt an de Bundsstraat 495, de in’n Süden na Bremervöör geiht un in’n Noorden na Loomst un Basbeek/Warstood (Gemeen Hemmoor) löppt. De Kreisstraat 31 geiht von de B 495 na Süüdwesten af un löppt na Doornsood. Ans gifft dat noch lüttjere Straten na Langenmoor, Maurismaur un Hollen.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 5 Debst liggt so 32 Kilometer in’n Westen von Armsdörp an de L 120. De Opfohrt 2 Stood-Süüd op de Autobahn 26 (Afsnidd Stood–Hamborg) liggt so 36 Kilometer in’n Oosten an de B 73.

De nächste Bahnhoff is so bi 13 Kilometer wied weg in’n Noordoosten de Bahnhoff Hemmoor an de Nedderelvbahn von Cuxhoben na Hamborg. De Bahnhoff Bremervöör an de Bahnlien Bremerhoben–Buxthu liggt üm un bi 17 Kilometer in’n Süüdoosten.

De Journalist Stefan Aust bedrifft in Armsdörp en Peerhoff.

1. ↑ http://www.denkmalprojekt.org/2010/lamstedt_st_barth-kirche_1870-71_ns.htm
2. ↑ http://www.denkmalprojekt.org/dkm_deutschland/armstorf_ns.htm
3. ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 11
4. ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 24
5. ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 132
6. ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 146
7. ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 154
8. ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 126
9. ↑ Inwahnertallen op gemeindeverzeichnis.de
10. ↑ ^{a b c} Inwahnertallen op verwaltungsgeschichte.de
11. ↑ http://boerde-lamstedt.der-norden.de/rathaus/zahlen.html

Armsdörp. Mehr Biller, Videos oder Audiodateien to’t Thema gifft dat bi Wikimedia Commons.