Wentendörp
Wentendörp (düütsch: Wenkendorf) is een Dörp op de Insel Fehmarn un een Stadtdeel vun de Stadt Fehmarn in den Landkreis Oostholsteen in Sleswig-Holsteen.
- Grött: ca. 371 ha.
- Inwahners: ca. 100 (2002)
- Auto-Kennteken: OH (Oost-Holsteen)
- Telefonvörwahl: 04372
- Laag: In Norden vun Fehmarn in de Oostsee gelegen, Naberdörper sünd Gammendörp, Dänschendörp un Olendeel.
Wentendörper Flurnaam sünd:
- Gamby Kroog
- Stubben
- Op Peelsche
Geschicht
ännernIn dat Waldemar-Erdbook vun 1230 is Wentendörp as Waenaekenthorp betekend und weer 6 mansi groot.
Dörpspeegel:
- 1709: Wentendörp harr 213 ha. Land, opdeelt op 16 Landbesitter. 1 Muermann, 1 Schooster, 1 Timmerer, 1 Radmaker.
- 1730: 15 Wahnhüüs, 9 Schüün, 4 Veehhüüs.
- 1833: 30 Hüüs, 100% mit Strohdack.
- 1854: 16 Hööf.
- 1872: Bi de Stormfloot sünd 5 Hüüs tweigahn un 6 Kreaturen afsupen.
- 1908: 13 Hööf, 88 Inwahners.
School
ännernEen School hett dat sied 1766 in Wentendörp geben. De letzte Schoolmeister hett 1966 dat Licht utmakt. Een Sünnerheit weer de lütte Tahl von Schoolkinner.
40 Johr vun 1922 bis 1962 weer de Schriever Jep Andersen Schoolmeister in Wentendörp. In sin Book "Ut den olen Soot" schrifft he: "...un mit düß dree Kinner heff ick dat sülwige Johr noch mien tweet Examen makt. Dorbi weern wi 'lieker stief', dat heet veer Mann kemen to Examineeren - un wi weern veer dogegen - un dorüm heff ick denn ja woll bestahn."
De Volksmund öwer Wentendörp:
- „Too Wentendörp... dohr rieden see hooge Peerde
- Dee ohrnt ehr Korn in - mit luter Rupp un Stupp
- Dee Wentendörper Duwen dee künnt keen Arfen sehn - see freet see op.“