Roger David Kornberg

Kornberg is dat Öldste vun dree Kinner vun de Biochemiker Sylvy un Arthur Kornberg, den lateren Nobelpriesdräger för Medizin. 1967 hett he dat Studium an de Harvard University mit en Bachelor of Science afslooten, um denn för sien Dokterarbeit nah Stanford to wesseln, de he 1972 ok afslooten hett. Kornberg gung doruphen to en Postdoc-Upenholt nah Cambridge. 1976 wurr he Assistant Professor (etwa dat wat in Düütschland Juniorperfesser is) an de Harvard Medical School un kehr 1978 för en Professur in de Strukturbiologie nah Stanford torüch.

In dat Johr 2010 wurr he in de Leitung vun dat russisch Innovatschonszentrum bi Skolkowo beropen.

Roger D. Kornberg wurr 2006 för sien Arbeiten to de molekularen Grundlagen vun de eukaryotischen Transkriptschoon, dat is de komplementäre Afschrift vun de genetischen Informatschonen vun den Zellkarn up de Ribonukleinsüeren, mit den Nobelpries för Chemie uttekent. Speziell geiht dat in sien Forschung um dat Enzym RNA-Polymerase, dat de Synthese vun Ribonukleinsüeren katalysiert. De Struktur un de naue Wirkmechanismus vun dissen Enzymkomplex wurr dorbi ünner annern vun den düütsche Perfesser Patrick Cramer wiels de sien Tiet as Postdoktorand in Kornberg sien Labor entslöötelt.^[1]

Kornberg is up de Probleme vun de eukaryotischen Transkriptschoon stött, as he in de fröh 1970er Johren bi Francis Crick un Aaron Klug an de Universität Cambridge in England arbeiten dee.

Den Medizinnobelpries 2006 kreeg sien Kolleeg an de Stanford University Medical School, Perfesser Andrew Zachary Fire, för Forschungen up dat Rebeet vun de Utpräägen un Ünnerdrücken vun Genen.

• 1981: Eli Lilly Award in Biological Chemistry
• 1997: Harvey-Pries vun de Technion
• 1999 in de American Academy of Arts and Sciences wählt
• 2000: Gairdner Foundation International Award
• 2002: ASBMB-Merck Award
• 2002: Pasarow Award för Krebsforschung
• 2002: Prix Charles-Léopold Mayer
• 2003: Massry-Pries
• 2005: General Motors Cancer Research Foundation’s Alfred P. Sloan, Jr. Prize
• 2006: Louisa-Gross-Horwitz-Pries
• 2006: Nobelpries för Chemie

• Hinrich Boeger, David A. Bushnell, R. Avis, J. Griesenbeck, Y. Lorch, J. Seth Strattan, K. D. Westover un Roger D. Kornberg: Structural basis of eukaryotic gene transcriptions. In: FEBS Letters. Band 579, 2005, S. 899–903
• Kenneth D. Westover, David A. Bushnell und Roger D. Kornberg: Structural basis of transcription. Separation of RNA from DNA by RNA polymerase II. In: Science. Band 303, Nr. 5660, 2004, S. 1014–1017.
• Patrick Cramer; David A. Bushnell, Jianhua FuAverell L. Gnatt, Barbara Maier-Davis, Nancy E. Thompson, Richard R. Burgess, Aled M. Edwards, Peter R. David und Roger D. Kornberg: Architecture of RNA polymerase II and implications for the transcription mechanism. in: Science. BAnd 288, 2000, S. 640–649.
• Seth A. Darst, Elizabeth W.Kubalek und Roger D. Kornberg: Three-dimensional structure of Escherichia coli RNA polymerase holoenzyme determined by electron crystallography. In: Nature. Band 340, Nr. 6236, 1989, S. 730–732.

  Roger David Kornberg. Mehr Biller, Videos oder Audiodateien to’t Thema gifft dat bi Wikimedia Commons.

• Homepage der Arbeitsgruppe
• Roger D. Kornberg up de Sieden vun den Nobelpries (engelsch)
• Video vun en Vördrag vun Kornberg to dat Thema eukaryotische Transkriptschoon
• „47 Years After Father, Son Wins a Nobel, Too“, New York Times, 5. Oktober 2006

1. ↑ Patrick Cramer, David A. Bushnell, Jianhua Fu, Averell L. Gnatt, Barbara Maier-Davis, Nancy E. Thompson, Richard R. Burgess, Aled M. Edwards, Peter R. David un Roger D. Kornberg: Architecture of RNA polymerase II and implications for the transcription mechanism. In: Science. Band 288, 2000, S. 640–649, PMID 10784442