Muggsy Spanier

Francis Joseph Julian "Muggsy" Spanier (* 9. November 1906 in Chicago, Illinois; † 12. Februar 1967 in Sausalito, Kalifornien) weer en US-amerikaansch Jazz-Trompeter vun den Oldtime Jazz.

Sien Ökelnaam Muggsy (to mug = utroofen) kreeg he upgrund vun de offensichtlich kopeerten Eegenheiten vun Louis Armstrong un Joe „King“ Oliver. Sien eersten echten Job as Musiker harr he 1921 in de Band vun Elmer Schoebel. 1927 speel he mit de Chicago Rhythm Kings mit Frank Teschemacher, Mezz Mezzrow, Gene Krupa un Eddie Condon. 1929 is he in de Band vun Ted Lewis intreden, in de ok Jimmy Dorsey un Benny Goodman spelen deen, un hett dorbi in tee Films mitspeelt: Is Everybody Happy (1929) un Here Comes the Band (1935). Af 1936 speel he mit in Ben Pollacks Group un in de Studioband Rhythm Wreckers, de in’ September 1937 mit „September in the Rain“ een Hit in de Billboard-Charts harrn. Upgrund vun sien swoor Alkoholprobleme, de hüm damals binah ümbrocht harrn, enn’ dat Engagement bi Pollack 1938.

Sien Comeback geev he 1939 mit de Grünn’ vun de Muggsy Spanier´s Ragtime Band. 1940 folgten schließlich eenig Uptreden in New York mit Max Kaminsky, Miff Mole, Brad Gowans un annern, de ok to de berühmt Upnahm Jamsession at Commodore führ. Van 1941 bit 1943 speel Muggsy mit sien eegen Dixieland Big Band, mit de he bi dat Plattenlabel Decca ünner Verdrag weer. To sien Musikers hörr ok de Basuunist Vernon Brown. In’ Februar 1943 gelung hüm mit sien Big Band, de aber blots kört existeeren dee, sien eenzig Hit in de Billboard Top 30 mit de vun Harry James 1939 to’n „Two O’Clock Jump“ bearbeit „One O’Clock Jump“ vun Count Basie.

Dornah (1944 bit 1948) speel he gröttstendeels in lütt „Anheizergruppen“. Schließlich hett he sück mit sien eegen Sextett van 1949 bit 1957 up en utdehnt US-Tour begeven.

Etwa 1957 leet he sück in San Francisco daal un speel bit to sien Dood gemeensam mit den Pianisten Earl Hines in verscheeden Combos.