Heinrich Himmler

Himmler is as tweeter Söhn vun Joseph Gebhard Himmler un Anna Maria Heyder in München boren un in börgerliche kathoolsche Ümfeld opwossen. In’n Eersten Weltkrieg is he freewillig to de Armee gahn, hett sien Offiziersutbildung mookt, man he hett nich an’e Front kämpft, wat in de Nazitiet anners vertellt wurrn is. Nadem he bi dat Störten vun de Räädrepubliek in München in en Friekorps dorbi wesen is, hett he sien Abitur mookt un Landweertschop an de TU München studeert.

In’n August 1923 is he in de NSDAP intreden un is an’n 9. November 1923 bi de Hitler-Ludendorff-Putsch mitmarscheert. An’n 6. Januar 1929 weer Himmler to den böversten Mann vun de SS maakt. Later weer he vun Hitler to „Rieksführer vun de SS“ bestimmt. Na de Machtövernahm dör Hitler is he Polizeipräsident vun München woorn.

Himmler harr groten Andeel an den Röhm-Putsch, den Dood vun de böversten SA-Lüüd un Kurt von Schleicher un sien Fru. An’n 17. Juni 1936 weer Himmler ok de Polizei ünnerstellt. So is een vun de letzten Angelegenheiten, de de Länner sülvst maken dröffen, ok zentralistisch regelt worrn. 1943 kreeg he ok noch dat Binnenministerium ünnerstellt. 1944 is he Böverbefehlshebber vun de Ersatzheer un tostännig för de Rüstung. An’n Enne vun den Tweeten Weltkrieg hett Himmler versöcht, Freden to sluten, nahdem dat opflogen is, is he vun Hitler ut all sien Ämter rutsmeten worrn.

Himmler hett an dat Enne, nadem Hitler em sien Macht nahmen hett, versöcht to flüchten. Mit fälschten Utwies is he denn aver vun Briten grepen worden un inhaftiert worden. In dat Gefängnis hett he sik denn ümbröcht.