[go: up one dir, main page]
Wikipedia

Horst Seehofer

düütsch Politiker

Horst Lorenz Seehofer (* 4. Juli 1949 in Ingolstadt) is en düütsch Politiker (CSU). Siet März 2018 is he Bundsminister för’t Binnere.

Horst Seehofer (2012)

He weer van 2008 bit 2018 Ministerpräsident vun den Freestaat Bayern un is Vörsitter vun de CSU.

Seehofer weer van 1992 bit 1998 as Bundsminister för Gesundheit und von 2005 bis 2008 als Bundsminister för Brukerschuul, Nehren un Landweertschap Liddmaat vun de Bundsregeeren.

An 1. November 2011 övernehm Seehofer as Nahfolger vun de Ministerpräsidentin vun Nordrhien-Westfalen, Hannelore Kraft, turnusgemäß dat Amt vun den Präsident vun den düütsch Bundsraat. In disse Funktschoon övernehm he an' 17. Februar 2012 nah den Rückträe vun Christian Wulff vörövergahns, bit to de Wahl vun den neen Bundspräsidenten Joachim Gauck an' 18. März 2012, de Amtsgeschäfte vun dat Staatsböverhoopt vun de Bundsrepubliek Düütschland. De Raatspräsidentschap vun Bayern gung an' 31. Oktober 2012 to Enn'.

Leven

ännern

Herkunft un Utbillen

ännern

Seehofer un sien dree Geschwister sünd as Arbeiterkinner, de Vader weer Lastwagenfohrer un Bauarbeiter, in konservativ-kathoolsch präägt Familienverhältnissen in Ingolstadt upwussen. Van 1961 bit 1965 hett he de Freiherr-von-Ickstatt-School in Ingolstadt besöcht, de he mit de mittlere Riep afslooten hett.[1] Ansluutend hett he en Beamtenutbillen in de Kommunalverwalten maakt. Seehofer bestunn 1967 de Verwaltensprüfung för den mittleren Deenst an de Bayerische Verwaltensschool in München. 1970 is he in den gehoben Deenst as Diplom-Verwaltungswirt (FH) upsteegen.

Bit 1980 weer he bi de Landratsämtern Ingolstadt un Eichstätt tätig. Van 1974 bit 1980 weer he todem Geschäftsführer vun den Planungsverband un den Rettungszweckverband vun de Planungsregion Ingolstadt. 1979 hett he de Verwaltens- un Wertschapsakademie (as Johrgangsbest) in München as Verwaltungs-Betriebswirt (VWA) afslooten.[2]

Partei

ännern

Nah sien Inträe in de Junge Union 1969 is he 1971 ok in de CSU intreden. Van September 1994 bit to sien Wahl as Vörsitter vun de CSU in' Oktober 2008 weer he stellvertreden Vörsitter vun de CSU. Todem is he Vörsitter vun de Arbeitnehmer-Union vun de CSU (CSA). Nahdem Edmund Stoiber in' Januar 2007 verklort hett, in' September 2007 sowohl den Parteivörsitt as ok dat Amt vun de Ministerpräsidenten afgeven to willen, geev Seehofer bekannt, för den Parteivörsitt kandideeren to willen.

In Umfragen van' Januar 2007 ünner de bayerisch Wähler to de vun hör bevörtoogt Stoiber-Nahfolger leeg Seehofer wiet vörn, insbesünnere nah dat Bekanntwurrn vun Geheimafspraken tüschen Günther Beckstein un Erwin Huber, wiels Huber noch achter Beckstein, Alois Glück, Gabriele Pauli un Joachim Herrmann torüchfull.

In den glieker Maand hett de BILD Informatschonen över en langjohrig[3] buterehelich Verhältnis bericht, in de Seehofer to'n veerten Mal Vader wurr. BILD hett disse Enthüllung dormit begrünnd, dat Seehofer sien Privatleven immer „groß plakatiert habe, wer es politisch einsetzt, muss sich daran messen lassen.“ Vereenzelt hebbt anner Journalisten disse Position ünnerstütt.[4][5] De teelt Indiskretschonen tegenöver BILD wurrn vun anner Medien den internen CSU-Machtkamp toschreven.[6][7] Dat Bekanntmaken up den Hööchpunkt vun den CSU-Machtkamp hett aber en grooten Solidarität brocht.[8] De Berichterstattung över de Affäär un dat butereheliche Kind hebbt luut en Forsa-Ümfraag in Bayern in’ Juni 2007 den Rop vun Seehofer angreepen. 53 Perzent vun de Befragten weern de Ansicht, sien Ansehen weer deswegen in de Maanden tovör sunken.[9] Parteifrüenden hebbt Seehofer in den glieker Maand apenlich upfordert, vör de Wahl sien privaten Verhältnisse in Ördnung to bringen; Seehofer hett Anfang Juli 2007 seggt, dat he bi sien Fru blieven würr.[10] De Klärung vun de privat Verhältnisse hett vör groot Erleichterung in de CSU sörgt.[11]

Up den Parteidag vun de CSU in München an’ 29. September 2007 weer he mit 39,1 % sien Konkurrenten üm den Parteivörsitt, Bayerns Wertschapsminister Erwin Huber, de 58,19 % vun de Delegeertenstimmen kreeg, ünnerlegen. Darte Mitbewerber weer de Fürther Landrätin Gabriele Pauli mit 2,5 % vun de Stimmen. Up Vörslag vun Huber wurr Seehofer doruphen mit 91,81 % as stellvertreden Parteivörsitter weer wählt.

Nah de Rückträe vun Erwin Huber as Folg vun dat nicht verwacht slecht Afsnieden vun de CSU bi de Landdagswahl 2008 wurr Seehofer an' 25. Oktober 2008 up en Sonnerparteidag mit 90,3 % vun de Stimmen to'n CSU-Vörsitter wählt.[12] Ok wenn dat en bedüüden beter Ergevnis för de CSU bi de Europawahl in' Juni 2009 geev kunn Seehofer bi de enee Kandidatur to'n Parteivörsitt an' 18. Juli 2009 blots 88,1 % vun de Stimmen recken.[13] An' 8. Oktober 2011 wurr he mit 89,9 % vun de Stimmen nochmals as Parteivörsitter bestätigt.[14]

Afordneter

ännern

Seehofer weer van 1980 bit 2008 Liddmaat vun den Düütschen Bundsdag. Van 1983 bit to sien Beropen as Staatssekretär 1989 weer he sozialpolitisch Spreker vun de CSU-Landesgrupp. Af Oktober 1998 weer he Stellvertreden Vörsitter vun de CDU/CSU-Bundsdagsfraktschoon för de Berieken Europa, Landwertschap un Ümwelt. Meenungsverscheedenheiten wegen de vun hüm aflehnt Gesundheitsprämie in de gesetzlich Krankenverseker hemm dorto führt, dat he an' 22. November 2004 as stellvertreden Fraktschonsvörsitter torüchtreden dee. He bleev aber wiederhen een vun de stellvertreden CSU-Vörsitter un hul ok sien Mandat as Bundsdagsafordneter.

Seehofer is immer as direkt wählt Afordneter vun den Wahlkreis Ingolstadt in den Bundsdag intrucken. Bi de Bundsdagswahl 2005 reck he 65,9 % vun de Eerststimmen; dat weer dat tweetbest Ergevnis in de gesamt Bundsrepubliek.

Nah sien Wahl to'n Ministerpräsidenten legg Seehofer sien Bundsdagsmandat daal; he is denn an' 4. November 2008 ut den Bundsdag utscheeden.

Seehofer weer in sien eersten Legislaturperiood as Ministerpräsident kien Liddmaat vun den Bayerischen Landdag. Bi de Landdagswahl an' 15. September 2013 wunn Seehofer in den nee schaffen Stimmkreis Neuburg-Schrobenhausen mit 61,5 Perzent vun de afgeven Eerststimmen dat Direktmandat.[15]

Ämter in Bundsministerien un Bundsregeeren

ännern
 
Bi de Ernennung to'n Staatssekretär 1989

Van 1989 bit 1992 weer he Parlamentarischer Staatssekretär bi den Bundsminister för Arbeit un Sozialordnung.

An' 6. Mai 1992 wurr he as Bundsminister för Gesundheit in de vun Bundskanzler Helmut Kohl führt Bundsregeeren berofen. 1993 keem dat to Kritik an Seehofer wegen de mangeln Informatschoonspolitik bi dat Problem vun HIV-versüükt Bloopräparate. In dissen Tosommenhang hett Seehofer 1993/1994 dorför sörgt, dat dat Bundsgesundheitsamt uplööst wurr.[16] As Gesundheitsminister hett Seehofer wiels sien gesamte Amtstiet gegen de Kostenstiegen in't Gesundheitswesen un dat Defizit in de gesetzlich Krankenversekern kämpt. Dat Gesundheitsstrukturgesett van 1993 dwung dat Gesundheitswesen to en rigiden Sporkurs un führ all nah een Johr to en Kostensenkung vun etwa 5,5 Milliarden Euro. Dat Bidragsentlastengesett (1996) un de GKV-Neeordnungsgesett (1997) weer wiedere Reforminitiativen vun Seehofer.

 
Horst Seehofer in de laat 1990er Johren

Nah de Bundsdagswahl 1998 is Seehofer an' 26. Oktober 1998 ut de Regeeren utscheeden. In' Januar 2002 is Seehofer swoor krank wurrn, wegen en levensgefährlichen Myocarditis wurr he in en Ingolstädter Krankenhuus inleefert. Later hett Seehofer dorto seggt, dat he sück wegen sien Arbeitsbelastung to laat behanneln harr laaten.

In de Groot Koalitschoon, de sück nah de Bundsdagswahl 2005 billen dee, wurr Seehofer Bundsminister för Brukerschuul, Nehren un Landweertschap. He wurr an’ 22. November 2005 in de vun Bundskanzlerin Angela Merkel führt Bundsregeeren beropen. Blots wenig Daag later wurr he mit den Gammelfleeschschandaal konfronteert.

He hett sien Amt as Bundsminister to’n 27. Oktober 2008 upgeven, um as Bayerisch Ministerpräsident wählt wurrn to können.

Bayerisch Ministerpräsident

ännern

Nah dat slecht Afsnieden vun de CSU bi de Landdagswahl in Bayern 2008 – de CSU hett eerstmals siet över veer Johrteinten de afsolute Mehrheit verfehlt – un den dorup folgen Rücktoog vun den bitherigen bayerischen Ministerpräsidenten Günther Beckstein, wurr Seehofer vun de Partei ok för dit Amt upstellt. He kunn sück dorbi parteiintern gegen Georg Schmid, Thomas Goppel un Joachim Herrmann dörsetten. Wiet Deelen vun de CSU hemm dorbi fordert, mit Seehofer weer Parteivörsitt un Ministerpräsidentenamt in een Hand to leggen.[17][18] An’ 27. Oktober 2008 wurr Seehofer sluutend vun den Bayerischen Landdag to’n Ministerpräsidenten vun den Freestaat Bayern wählt. Vun de 184 anwesen Afordneten hemm 104 för hüm stimmt, dat weern veer Stimmen weniger as de beid Koalitschoonsprarteien up sück vereenigen deen.[19]

Van’ 1. November 2011 bit 1. November 2012 weer Seehofer Bundsraatspräsident un dormit de veerthööchste Repräsentant vun de Bundsrepubliek Düütschland[20] In disse Funktschoon övernehm he an’ 17. Februar 2012 nah den Rückträe vun Christian Wulff vörövergahnd, bit to de Wahl vun den neen Bundspräsidenten Joachim Gauck an’ 18. März 2012, de Amtsgeschäfte vun dat Staatsböverhoopt vun de Bundsrepubliek Düütschland.

Anfang Mai 2013 wurr Seehofer offiziell to’n Spitzenkandidaten för de Bayerische Landdagswahl an’ 15. September 2013 wählt,[21] bi de he för de CSU de afsolute Mehrheit in’ Landdag torüchhalen kunn.[22]

Wiederes Engagement

ännern

Van’ 23. April 2005 bit 22. November 2005 weer he Vörsitter vun den Sozialverband VdK Bayern un kunn 20.000 nee Liddmaaten togewinnen. Mit sien Ernennung to’n Bundsminister för Verbrukerschuul, Nehren un Landwertschap muss Seehofer sien Amt daaleggen. Dat Bundministergesett lett en derordige Düppelfunktschoon nich to.

Seehofer weer bit to’n 27. Oktober 2008 Liddmaat in’ Verwaltensraat vun de Landwertschaplich Rentenbank.

Liddmaat in’ Verwaltensraat vun den ZDF[23] is he siet 28. Oktober 2010 as Vertreder vun de Länner.

Familie

ännern

Seehofer is siet 1985 to’n tweeten Mal (eerste Ehe van 1974 bit 1982) verheiraadt un hett ut disse Ehe mit de utbillt Verwaltensangestellten Karin Seehofer (* 1958) dree utwussen Kinner (Ulrike, Andreas, Susanne);[24][25] ferner hett he en wiedere Dochter ut en butereheliche Betrecken.[26] He is vun röömsch-kathoolsch Konfession un wahnt in den Ingolstädter Stadtdeel Gerolfing.

Ehrungen un Utteknungen (Utwahl)

ännern
  • 1989: Bayerische Staatsmedaille för soziale Verdeensten
  • 1996: Groot Bundsverdeenstkrüüz
  • Bayerisch Verdeenstorden
  • 2008: Ehrendokterwürde vun de Natschonale Agraruniversität Kiew (Ukraine]

Weblenken

ännern
  Horst Seehofer. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen

ännern
  1. ↑ Festschrift zum 40-jährigen Bestehen der Freiherr-von-Ickstatt-Schule, Staatliche Realschule für Knaben, Ingolstadt. 1958 - 1998.
  2. ↑ http://www.sueddeutsche.de/bayern/portraet-horst-seehofer-ein-wall-aus-witz-eine-mauer-des-laechelns-1.525386-2, Ein Wall aus Witz, eine Mauer des Lächelns, Süddeutsche Zeitung van' 17. Mai 2010, afropen an' 9. Februar 2013
  3. ↑ Peter Fahrenholz: Der Dritte auf dem Tandem. In: Süddeutsche Zeitung, 17. Mai 2010, afropen an' 16. August 2012.
  4. ↑ Claus Christian Malzahn: Sex als Waffe. In: Spiegel Online, 16. Januar 2007, afropen an' 16. August 2012.
  5. ↑ Christian Mayer: „In Deutschland gibt es keine Stars“ In: Süddeutsche Zeitung, 19. Juni 2008, afropen an' 16. August 2012 (Interview mit Patricia Riekel).
  6. ↑ Es wird gesudelt - In der Stoiber-Krise wird mit harten Bandagen gekämpft. Das bekam jetzt auch Horst Seehofer zu spüren. zeit.de, 16. Januar 2007, afropen an' 16. August 2012
  7. ↑ Schlammschlacht gegen Seehofer. In: Süddeutsche Zeitung, 19. Mai 2010, afropen an' 16. August 2012.
  8. ↑ Philipp Wittrock: Abschied von verstaubten Idealen. In: Spiegel Online, 17. Januar 2007, afropen an’ 16. August 2012.
  9. ↑ ziteert nah „Forsa“-Umfrage: Seehofers Stern sinkt zeit.de, 2007, afropen an’ 16. August 2012. Bi de CSU-Anhänger hebbt dat 55 Perzent glöövt, bi de Anhänger vun de SPD 64 Perzent.
  10. ↑ Seehofer-Geliebte von Trennung „verletzt“ In: Die Welt, 31. Juli 2007, afropen an’ 16. August 2012.
  11. ↑ Politikeraffäre: Seehofer entscheidet sich für die Ehefrau, zeit.de, 9. Juli 2007, afropen an’ 16. August 2012
  12. ↑ http://www.spiegel.de/politik/deutschland/0,1518,586525,00.html%7C, CSU wählt Seehofer zum neuen Parteichef, Spiegel Online van' 25. Oktober 2008, afropen an' 10. Oktober 2011
  13. ↑ http://www.sueddeutsche.de/bayern/605/481080/text/, Seehofer zufrieden, Guttenberg beliebter als Söder, Süddeutsche Zeitung van' 18. Juli 2009, afropen an' 20. Oktober 2011
  14. ↑ http://www.spiegel.de/politik/deutschland/wiederwahl-des-csu-vorstands-seehofer-besteht-die-machtprobe-a-790679.html, Wiederwahl des CSU-Vorstands: Seehofer besteht die Machtprobe, Spiegel Online van 8. Oktober 2011, afropen an' 29. April 2013
  15. ↑ Landeswahlleiter Bayern: Landtagswahlergebnis 2013 Stimmkreis 124 Neuburg-Schrobenhausen
  16. ↑ http://www.zeit.de/1994/05/seehofer-bleibt-stur, Seehofer bleibt stur, Zeit Online van' 28. Januar 1994, afropen an' 20. Oktober 2011
  17. ↑ http://www.spiegel.de/politik/deutschland/0,1518,582744,00.html, Goppel und Herrmann machen Weg frei für Seehofer, Spiegel Online van’ 7. Oktober 2008, afropen an’ 20. Oktober 2011
  18. ↑ Birgit Kruse: http://www.sueddeutsche.de/bayern/machtkampf-in-der-csu-chaotisch-unsoziale-union-1.530097, Chaotisch unsoziale Union, Süddeutsche Zeitung van’ 17. Mai 2010, afropen an’ 20. Oktober 2011
  19. ↑ http://www.sueddeutsche.de/bayern/bayerischer-landtag-seehofer-zum-ministerpraesidenten-gewaehlt-1.525824, Seehofer zum Ministerpräsidenten gewählt, Süddeutsche Zeitung van’ 17. Mai 2010, afropen an’ 20. Oktober 2011
  20. ↑ http://www.sueddeutsche.de/politik/politik-kompakt-bundesrat-billigt-neues-wahlrecht-1.1162751, Bundesrat billigt neues Wahlrecht, Süddeutsche Zeitung van 14. Oktober 2011, afropen an’ 2. November 2011
  21. ↑ N-TV: Kein schöner Abend für Horst Seehofer: Hässliche Zwischentöne bei Krönungsmesse van’ 3. Mai 2013 (afropen an’ 4. Mai 2013).
  22. ↑ ARD: Horst Seehofer erringt absolute Mehrheit, 15. September 2013
  23. ↑ Die Mitglieder des Verwaltungsrats des ZDF
  24. ↑ Reiseziele der bayerischen Politiker – Urlaub dahoam. In: Sueddeutsche Zeitung, 3. August 2012.
  25. ↑ Peter Issig: Horst Seehofer soll die CSU zu alter Stärke führen. In: Welt, 27. Oktober 2008.
  26. ↑ http://www.spiegel.de/politik/deutschland/0,1518,488674,00.html%7Ctitle=Seehofer ist wieder Vater geworden, Spiegel Online, van’ 14. Juni 2007, afropen an’ 2. November 2011
 
Landweertschapsministers vun de Bundsrepubliek Düütschland

Wilhelm Niklas | Heinrich Lübke | Werner Schwarz | Hermann Höcherl | Josef Ertl | Björn Engholm | Josef Ertl | Ignaz Kiechle | Jürgen Borchert | Karl-Heinz Funke | Renate Künast | Jürgen Trittin (komm.) | Horst Seehofer | Ilse Aigner | Hans-Peter Friedrich | Christian Schmidt | Julia Klöckner

 
Vun „https://nds.wikipedia.org/w/index.php?title=Horst_Seehofer&oldid=988739“