Forces of Nature

Affleck speelt in den Film den korrekten Schöönling Ben Holmes, de kort vör sien Hochtiet steiht. To’n Anfang vun’n Film fiert ne mit sien Frünnen Junggesellenafscheed, wo he noch mol de Söög rutlaten dröff. Sien Frünnen hebbt em sogor ok en Strippersche ranholt, dat he sik noch mol wat ankieken kann. Sien Grootvadder kriggt dat dor aver mit dat Hart bi. In’t Krankenhuus vertellt sien Opa em, dat he faken vun annere Fronslüüd dröömt harr. As he ünnerwegens is na Savannah, woneem he mit sien Bruut Bridget fiern will, vertellt em en Passageer, dat he de Eh för en groten Swinnel holt. Dat allen's gifft em to denken.

Mit de Reis na Savannah schient dat gor nich so eenfach to wesen: Sien Fründ hett de Ehringen vergeten un kann nich mitflegen. Bi’n Start vun sien Fleger kummt denn en Seemööv in’n Motor un de Fleger neiht in’n Dutt. Allns lett, as wenn dat mit de Hochtiet nich wesen schall. Op eenmol finnt sik Ben in Sellschop vun Sarah Lewis wedder, de he in’n Fleger drapen hett. Mit Auto, Bus un Bahn geiht de Reis wieter. Ünnerwegens beleevt se jümmer wedder Saken, de Ben sien Plaan to heiraden in Fraag stellt.

Sarah is op de annern Siet ünnerwegens, üm ehrn 10 Johr ollen Söhn to besöken, de bi ehrn eersten Mann leevt. Man, se is bang dorvör, vunwegen dat se ehr Kind lange Tiet nich mehr sehn hett. De Fohrt geiht drünner un dröver: Dat Geld geiht jem ut, se föhrt in de verkehrte Richt, un slaht sik mit Lögen dör. Mit de Tiet verkiekt de beiden sik inenanner. In Savannah ankamen steiht Ben vör de Fraag, wat he doon schall. Opletzt kann he nich anners, as doch sien Bridget to heiraden. Sarah beduert dat, dröpt denn aver ehr Kind wedder.

De Tietschrift TV Movie 10/1999 snack goot vunt Dreihbook un vun de Trickeffekten, Cinema 5/1999 beteken den Film as hööglich, film-dienst 9/1999 beschreev em as an’t Rietbrett utklamüstert un vorrutsehbor. In TV Spielfilm 10/1999 weer de Spelbaas loovt. epd Film 5/99 schreev: ... dank der Besetzung zwar einigermaßen geglückt, bleibt aber allzu verwechselbar. Hollywood-Konfektion mit drei schimmernden Pailletten.

De Film is söven mol för Filmpriesen vörslahn worrn un hett an’t Enn twee Priesen wunnen:

• 1999: den Teen Choice Award in de Kategorie Best Wootanfall för Sandra Bullock
• 2000: den Blockbuster Entertainment Award in de Kategorie Leefsten seen Schauspeler – Kummedie/Romanze för Ben Affleck

• Forces of Nature in de Internet Movie Database (engelsch)
• De Film in Dirk Jasper FilmLexikon