Eli Wallach

Eli Wallach (* 7. Dezember 1915 in Brooklyn, New York City, USA; † 24. Juni 2014) is en US-amerikaanschen Schauspeler, de in wiet över söventig Filmen mitspeelt hett. Beropen worrn is Wallach sünners dör sien Rull as mexikaanschen Bandit in den Italowestern Il buono, il brutto, il cattivo (dt: Zwei glorreiche Halunken) vun 1966.

Leven un Wark

Wallach hett mit twölf Johren sien eersten Bühnenoptritt hat, as he bi’t Schooltheater en 65-johrigen Zyniker speelt hett. Mit föffteihn Johren harr he in en Amateurfilm sien eersten apentlichen Optritt. Siet de Tiet weer för em kloor, dat he Schauspeler warrn wull.

In Austin, Texas hett he de Universität besöcht, woneem he sien Afsluss maakt hett. Dor hett he ok dat Rieden lehrt, wat em later bi sien Loopbahn holpen hett. In’t Johr 1941 is he in de US Army gahn. Wiel den Tweeten Weltkrieg hett he to’t Medical Administrative Corps höört un steeg op bit in den Rang vun en Captain. As he 1945 ut de Army utscheedt is, hett sik wedder de Schauspeleree towennt. An’n Broadway geev he sien Debüt in Skydrift.

Sien eersten Kinofilm (Baby Doll) hett Wallach 1956 dreiht, nadem he al en poor mol in Feernsehepisoden to sehn weer. Er speel in sien eerste Filmrull en siziliaanschen Verföhrer vun de minnerjohrige Hööftdorstellersche (speelt vun Carroll Baker). Dorna kemen wieter Filmen as The Lineup, Lulluby un Seven Thieves ehdem he 1960 in den Klassiker The Magnificent Seven vun John Sturges en mexikaanschen Röver-Anföhrer speelt hett. Dat Johr dorop stünn he blangen Clark Gable, Marilyn Monroe un Montgomery Clift för den Film The Misfits vör de Kamera.

Sien beropenste Rull weer aver 1966 de mexikaansche Bandit Tuco, den he an de Siet vun Clint Eastwood in Il buono, il brutto, il cattivo vun Sergio Leone. De beiden Schauspelers hebbt eerst 37 Johr later wedder tosamenarbeit, as Eastwood Wallach to en Cameo-Optritt in sien Film Mystic River rümkriegen künn.

Dat Wallach aver noch mehr to spelen künn as blots de Rull vun’n Halunken, hett he in sien Rullen an’t Theater wiest, woneem he de Tokiekers as Charakterschauspeler övertüügt hett. 1951 is he mit’n Tony Award uttekent worrn för sien Rull as Alvaro Mangiacavallo in dat Stück The Rose Tattoo vun Tennessee Williams.

In’t Johr 1994 hett Wallach Stephen King sien Roman Insomnia op 24 CDs lest.

Filmografie (Utwahl)

Johr	Titel	Synchroonsnacker
1956	Baby Doll dt.: Baby Doll – Begehre nicht des anderen Weib
1958	The Lineup dt.: Der Henker ist unterwegs	Gerd Martienzen (2. Synchro)
1960	Lullaby, Feernsehn
1960	Seven Thieves dt.: Sieben Diebe	Klaus Miedel
1960	The Magnificent Seven dt.: Die glorreichen Sieben	Arnold Marquis
1961	The Misfits dt.: Misfits – Nicht gesellschaftsfähig	Heinz Drache
1962	How the West Was Won dt.: Das war der Wilde Westen	Holger Kepich
1963	The Victors dt.: 'Die Sieger	Rolf Boysen
1963	Act One
1964	The Moon-Spinners dt.: Der Millionenraub
1965	Lord Jim	Arnold Marquis
1965	Genghis Khan dt.: Dschingis Khan	Konrad Wagner
1966	How to Steal a Million dt.: Wie klaut man eine Million?	Dietrich Frauboes
1966	The Poppy Is Also a Flower dt.: Mohn ist auch eine Blume	Ulrich Haupt
1966	Il buono, il brutto, il cattivo dt.: Zwei glorreiche Halunken	Hans-Christian Blech
1967	The Tiger Makes Out dt.: Der Tiger schlägt zurück
1968	A Lovely Way to Die dt.: Der Schnelle Weg zum Jenseits	Klaus Miedel
1968	How to Save a Marriage and Ruin Your Life dt.: Zärtlich schnappt die Falle zu	Wolf Ackva
1968	I quattro dell'Ave Maria dt.: Vier für ein Ave Maria	Gerd Martienzen (1. Synchro) Martin Hirthe (2. Synchro)
1969	Le cerveau dt.: Das Superhirn	Klaus Miedel
1970	The Adventures of Gerard dt.: Die Gräfin und ihr Oberst	Arnold Marquis
1970	Zigzag dt.: Rache aus dem Knast	Fritz Tillmann
1971	Romance of a Horsethief dt.: Ein Kerl zum Pferdestehlen	Klaus Höhne
1973	A Cold Night’s Death, Feernsehn dt.: Der eiskalte Tod	Hartmut Reck
1973	L’ultima chance dt.: Die Diamantenpuppe	Norbert Gastell
1973	Cinderella Liberty dt.: Zapfenstreich	Hans-Dieter Zeidler
1974	Crazy Joe dt.: Testament in Blei	Fritz Tillmann
1977	The Domino Principle dt.: Das Domino Komplott	Joachim Cadenbach
1977	The Deep dt.: Die Tiefe	Hans-Dieter Zeidler
1978	Squadra antimafia dt.: Der Superbulle jagt den Paten	Horst Schön
1979	Firepower	Arnold Marquis
1980	The Hunter dt.: Jeder Kopf hat seinen Preis	Klaus Miedel
1984	Sam’s Son
1986	Tough Guys dt.: Archie und Harry – Sie können’s nicht lassen	Klaus Miedel
1987	Nuts dt.: Nuts – Durchgedreht	Leo Bardischewski
1990	The Two Jakes dt.: Die Spur führt zurück – The two Jakes	Klaus Miedel
1990	The Godfather: Part 3 dt.: Der Pate - Teil III	Klaus Miedel
1992	Articlr 99 dt.: No Surrender – Schrei nach Gerechtigkeit	Heinz Engelmann
1992	Night and the City dt.: Die Nacht von Soho
1995	Two Much dt.: Eine Blondine zuviel – Two Much
1996	The Associate dt.: Wer ist Mr. Cutty?	Friedrich W. Bauschulte
1999	Uninvited
2000	Keeping the Faith dt.: Glauben ist alles	Hasso Zorn
2004	King of the Corner
2006	The Holiday dt.: Liebe braucht keine Ferien	Hasso Zorn
2007	Mama’s Boy
2009	Tickling Leo
2010	The Ghost Writer dt.: Der Ghostwriter	Hasso Zorn

Utteken

Eli Wallach weer ölven mol för Filmpriesen vörslahn un hett dorvun söss wunnen:

1957: den BAFTA Film Award in de Kategorie Best Needorsteller för Baby Doll
1967: den Emmy in de Kategorie Rutragen Nevendorsteller för The Poppy Is Also a Flower
2001: den Golden Boot
2004: den Jury-Pries vun’t Newport International Film Festival in de Kategorie Best Schauspeler för King of the Corner
2006: den Pries för’t Levenswark vun’t National Board of Review
2006: den Sünnerpries vun’t Almería International Short Film Festival

Weblenken

Eli Wallach in de Internet Movie Database (engelsch)