Gwendoline Eastlake-Smith

Gwendoline "Gladys" Eastlake-Smith (* 14. August 1883 in London; † 18. September 1941 in Middleham, Grafschap Yorkshire; nah hör Heiraadt Gladys Lamplough) weer en engelsch Tennisspelerin.

Eastlake-Smith wurr 1883 as Dochter vun Charles Eastlake Smith un sien Fru Lizzie Smith geboren. Hör Vader speel Football för de Vereens Crystal Palace un Wanderers FC un nehm 1876 an en Lännerspeel gegen Schottland deel.^[1]

1907 wunn Eastlake-Smith de engelsch Hallenmeesterschapen (Covered Court Championships).^[2] En Johr later wunn se bi de Olympisch Spelen in London de Goldmedaille. In dat sülvig Johr hett se den Dokter Wharram Henry Lamplough heiraadt. Toletzt nehm se 1921 an de Wimbledon Championships deel.

Eastlake-Smith is 1941 mit 58 Johr in Middleham storven.