Bargst (Neddersassen)

Bargst (hoochdüütsch Bargstedt) is een Gemeen in de Samtgemeen Harsfeld in’n Landkreis Stood. Se hett 2134 Inwahners (Stand 31. Dezember 2023).

Wapen/Flagg

Koort

Basisdaten

Bundsland: Neddersassen

26,45 km²

2134 (31. Dezember 2023)

19 m över de See

21698

04164

Koordinaten:53° 28′ N, 9° 27′ O53° 28′ N, 9° 27′ O

Grenzen bi OSM:

446433

Gemeenslötel:

03 3 59 005

Öörd in de Gemeen:

2

Börgermeester:

Thomas Wiebusch (CDU)

Websteed:

www.harsefeld.de

Koort

Kreis

De Gemeen Bargst hett twee Oortsdeele, dat sünd de fröheren Gemenden Bargst un Ohrens. De Dörper Frankenmoor un Lusthoop höört ok dorto.

Historie

Vör 1885 weer dat Dörp in de Böörd Bargst binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

De Gemeen Bargst weer von 1964 bet 1972 Deel von de Samtgemeen Bargst. 1972 is de Samtgemeen Bargst oplööst worrn un de Gemeen keem an de Samtgemeen Harsfeld.

Inwahnertall

Johr	Inwahners
1885^[1]	320
1910^[2]	469
1925^[1]	524
1933^[1]	636
1939^[1]	669

2005-06-30^[3]	2102
2010-12-31^[3]	2058

Religion

Bargst is evangeelsch-luthersch präägt un billt mit de Primus-Kark en egen Kaspel.

För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.

Politik

Gemeenderoot

Sitten in’n Gemeenderaat
Johr	CDU	SPD	FWG
2006	6	4	3
2011	8	2	3

Börgermeester

vör 2011: Gerhard Gerken (CDU)
na 2011: Thomas Wiebusch (CDU)

Wapen

Dat Wapen in Blau hett enen grönen Schildfoot, de na boven bogen is. De Schildfoot ist mit een sülvern Sweert beleggt, dat na links wiest. Op’n Schildfoot steiht en Dööpbecken mit enen Linnentwieg de dree Bläder hett. Dööpbecken un Linnentwieg sünd sülvern.

De Schildfoot wiest op den Naamdeel „Barg“ hen. Dat Sweert un de Linnenbläder staht för de ole Gerichtssteed un dat Dööpbecken för de Bargster Kark. Dat Dörp hett dat Wapen dör Erlass von dat Neddersassische Binnenministerium an’n 2. Juni 1960 kregen.

Kultur un wat to bekieken is

In Bargst warrt jümmer an’n eersten Advent bi de Kark Wiehnachtsmarkt fiert.

Bowark

De evangeelsche Kark St. Primus is 1801 fardig worrn. De eerste Toorn is 1959 dör enen nee'en Klockentoorn ersett worrn. To bekieken is en Glasfinster, dat 1970 vun Charles Crodel in de Ehrenhall boot wurrn is.

Weertschop un Infrastruktur

De Volksbank Geest hett in Bargst in de Straat An de Kark 1 en Filiaal un de Kreisspoorkass Stood in de Landstraat 15.

Scholen

In Bargst gifft dat de Grundschool Bargst.

Footnoten

Weblenken

Bargst (Neddersassen). Mehr Biller, Videos oder Audiodateien to’t Thema gifft dat bi Wikimedia Commons.

Websteed von de Samtgemeen Harsfeld (hoochdüütsch)
Websteed von enen Sportvereen Bargst (hoochdüütsch)
Websteed von enen Sportvereen Bargst (hoochdüütsch)

Städer un Gemenen in’n Landkreis Stood

[verwg.de-1] ttp://www.verwaltungsgeschichte.de/stade.html

[2] ttp://www.gemeindeverzeichnis.de/gem1900/gem1900.htm?hannover/stade.htm

[SG-3] ttp://www.harsefeld.de/harsefeld/buergerinfo/gemeinden/bargstedt_platt.htm

[1]

[2]

[3]