Vicus

Et Latiense weurd vicus betekkent 'gehucht' of 'wiek'. In de betekkenis 'gehucht' wöd et bruukt veur n darp van viefhonderd tot doezend inwonners. Nen vicus was in de Romeinse tied mangs ne neaderzetting bi-j n Romeins castellum (leagerplaatse) of n klein stadjen dat op de krusing lag van belangrieke handelsweage en mangsmoal ne handelsplaatse was. In de middeleeuwn duudden et weurd vicus op ne kleine neaderzetting dee zelf kort bi-j ne stad lag, ok wal te vergelieken mit ne veurstad, moar wisse neet zo groot.

De Utrechtse buurte Oldwiek is bi-jveurbeeld ontstoan uut en verneumd noar nen doar eleagen vicus in de middeleeuwn. Hetzelfde geldt veur Wiek bi-j Duurstede, dat nen vicus was bi-j Dorestad. Belgiese veurbeelden bunt et darpjen Velzeke, woar n Gallo-Romeins museum steet, en Cortoriacum (Kortriek).