Funnen

Funnen (ook: Fuun, Deens: Fyn) is noa Seelaand t grootste ailaand van Denmaark. De grootste stad en doarmit ook de heufdstad is Odense. De Grode Belt vörmt de scheiden mit Seelaand en de Lutje Belt dij mit Jytlaand. Funnen wordt deur bruggen en tunnels verbonden mit Jytlaand en Seelaand. t Ailaand wordt de "Toen van Denmaark" nuimd.

Funnen is ook de noam van n Deense provìnzie. Hierbie heuren, noast t ailaand Funnen ook de klaindere ailaandkes dij der om hin liggen (Ærø, Langelaand, enz.)

Vernuimde personen dij op Funnen geboren binnen, binnen de schriever Hans Kristian Andersen (1805) en de komponist Karl Nielsen (1865).

Grote steden op Funnen binnen noast Odense, Svendborg, Nyborg en Middelfart.