Verienigde Staoten van Amerika

De Verienigde Staoten van Amerika ofkort tot VS of VSA (Engels: United States of America, ofkort USA of US), is een Noord-Amerikaanse federaotie van 50 staoten en 't district van Columbia. Twie staoten, Alaska en Hawaï, liggen apart en grenzen niet an de aandere staoten. Tot 't laand beheuren ok diverse eilaandgebieden in de Caraïbische Zee en de Grote Oceaan. De Verienigde Staoten is 't op twie nao grootste laand ter wereld in bevolking, nao de Volksrippebliek China en India; en 't op drie of vier nao grootste laand in oppervlakte, nao Ruslaand, Canada en China. D'r is nog discussie aover wie groter is, de VS of meugelijk China.

United States of America
Kaarte van Verienigde Staoten van Amerika
Baosisgegevens
Officiële laanstael	Gien (per staot eregeld)
Heufdstad	Washington
Regeringsvorm	Federaole rippebliek
Geleuf	christelijk 79,8% joods 1,4% moslim 0,6% boeddhist 0,5% gien geleuf 15,0%
Geografie en bevolking
Oppervlakte - waeter	9.372.610 km² 2,2%
Inwoners - Dichthied	300.000.000 (17 oktober 2006) 31 inw./km²
Koordinaten	38° 0′ N, 95° 0′ W38-95 Koördinaoten: 38° N, 95° W
Overige
Volkslied	The Star-Spangled Banner
Muntienhied	Dollar (USD)
Tiedzone	−5 t/m −10
Nationaole feestdag	4 juli
Web | Kode | Til.	..us .gov .edu .mil .um | USA | 1

De VS grenst in 't noorden an Canada en in 't zuden an Mexico en 't Caribisch Gebied, en wördt ligt an de Grote Oceaan in 't westen, de Atlantische Oceaan in 't oosten en de Golf van Mexico in 't zuden. De grens mit Ruslaand lopt tussen 't Russische eilaand Groot-Diomede en Klein-Diomede, dat in Alaska ligt (de twie eilaanden liggen mar een paor kilometers van mekaor of). Alaska hef zien noordgrens an de Arctische Oceaan. Washington is de heufdstad en 't politieke centrum, New York is de grootste stad en 't economisch centrum.

De president is sinds 20 januari 2021 Joe Biden.