Friso-Frankische toalen
De Friso-Frankische toalen vörmen soamen n apaarte group toalen binnen t Leegfrankisch toalgebied. Zai onderschaaiden zok deur de invloud van t Frais.
Van ain soort Friso-Frankisch kìn nait sproken worden, omdat de bepoalde Leegfrankische dialekten ook deur verschillende Fraise toalen (Westlaauwers Frais, Oostlaauwers Frais, Noordfrais) beinvloud binnen.
Tot dizze group worden drij heufddialekten rekend: t Westfrais, t Bildts en t Stadsfrais. Voak worden ook t Straand-Hollaands, t Kennemerlaands en aandere verwaante dialekten van t Westfrais ien dizze dialektgroup ploatst. Môr los van de verdudelken worden dizze dialekten en/of toalen voak bie Hollaands rekend.
Westfrais is de oldste van dizze dialektgroup. Sund 19. aiw is t wel oet nkander valen ien drij heufddialekten mit veul meer Leegfrankisch/Nederlaandse aksent; t Zoans, t Wotterlaands en t Westfrais.
Vergeliekboare termen binnen Friso-Franko-Saksisch en Friso-Saksisch. Dizze aandudens worden gebroekt veur dialekten en/of toalen dij tussen t Frais, t Leegfrankisch en t Leegsaksisch, en tussen t Frais en t Leegsaksisch zitten. Aal dizze termen kìnnen heur oorsprong in de 19. aiw.