Puteca

Na puteca è nu posto addò se venneno articole a sicondo 'a specializzazione soja. Int'a na puteca nce se trova 'o putecaro, ca è spisso nu cummerciante a dettaglio.

A Napule se chiamma specialmente puteca ô posto addò venneno salame.

Ce stanno divierze tipe 'e pputeche:

• Libbraria
• Chianca
• Magazzine
• Pasticceria

Int'a na puteca 'e salame, nce se trovano salame 'e tutte specie e tutte qualità. 'O putecaro tene strumiente, propeto p'affellà salame e murtarelle, ca se ponno accattà a sicondo 'o peso addimannato.

Int'a sti puteche, se venneno produtte lattare e divierze, comme pe' esempio:

• Salame
• Muzzarella
• Caso
• Presutte
• Vino
• Zuco 'e frutta
• Cunzerve
• Sarte
• Murtarella

'E pputeche se ponno truvà pe' strada, quase sempe ô pianterreno, o pure dint'a nu centro cummerciale.