Italia

'A capitale d''a Repubbreca italiana è Romma, ca l'addeventaje ind'o 1870, durante 'o Regno 'e ll'Italia; 'e ccapitale 'e primma fujeno Turino ( do 1861 ô 1865), e Sciurenza (do 1865 ô 1870). L'Italia fuje addivisa dint'a vinte riggione e chiù o meno 110 province.

'O territorio 'taliano se po' addividere dint'a doje parte: na parta cuntinentale a nord, ca cunfina cu 'a Franza, 'a Sguizzera, l'Austria e 'a Sluvenia ('e cunfine songo cchiù o meno ll'Arpe), e na parte peninzulare, ca va' d"o nord nzi a ll'Afreca, ca, 'int"o punto cchiù vicino sta a 150 km sulo. 'A peninzula, ca è quase tutta attraverzata da ll'Arpe, se affaccia a ovest 'ncopp'ô mar Licure e 'ncopp'ô mare Tirreno, a est 'o mare Adriatico e a sud e sud-est 'ncopp'ô mare Ionio. 'E cunfine terrestre songo 1.800 km, chille custiere songo ppe cchiù o meno 7.500 km. 'Ncopp'ô territorio 'e l'Italia ce stanno ll'isule d"a Sicilia, 'a Sardegna, ll'isule d"o gorfo 'e Napule, d"a Puglia e Secilia.

'O paese è luongo 1.300 km, d"o punto nord a chillo cchiù meridiunale (Lampedusa). 'E punte a est e a ovest songo 'o monte Chardonnet, ô cunfine d"a Franza e 'o capo 'e Otranto. 'A superfisie è 'e 301.323 km. L'Italia è canusciuta ppe 'a forma 'e stivale. 'O nomme 'e Italia vene d"o vecchio nomme d"a Calavria (addò ce stava proprio 'a pupulazzione chiammata talica). Ma cu 'o putere 'e Romma 'o nomme venette dato a tutt"o terrieno taliano.

'O sciummo cchiù luongo è 'o Po e 'o clima è comunamende mediterraneo, apparte 'o nord ca tene nu clima cchiù friddo continentale.

'E Griece colonizzajeno pe' primme 'o sud d' 'o paese (Magna Grecia), ma 'a penisula era già abbitata 'a assaje tiempo da atre populazzione (Etrusche, Latine, Sannite, Venete, Osce e atre). C' 'a nascita e l'ascesa ô potere 'e Romma, ll'Italia se truvaje p' 'a primma vota unificata e canuscette nu periodo 'e splendore et prusperità. Cu l'invasione d' 'e berbare, l'Impero Romano capitulaje et accumenciaje pe l'Italia, comme pe tutta l'Europa, et forze pe 'o munno sano, 'o Medioevo. 'Ind'e primme siecule d' 'o Medioevo 'a penisola canuscette pe primma 'a duminazzione gotica, po' chella bizzantina,et 'nfino chella lungubarda. 'E lungubarde conquistajeno mano mano quase tutta ll'Italia peninsulare, ma venetteno scunfitte 'a Carlo Magno verzo 'a fine 'e l'VIII sec. d. C.. Verzo l'anno 1100 ll'Italia d' 'o sud canosce 'a duminazzione nurmanna, 'o centro è guvernato d' 'o Stato Pontificio e ô norde se sviluppano 'e "comune". 'Ind'a 'sto périodo l'Italia se trova finalmente in prosperità e 'ngarra ad mantener na certa innipennenza.

'Int'a 'sto periodo 'e comune d' 'o nord se scontrano cu' ll'Impero e se fanno guerra 'nfra lloro 'int'a Lotta pe' ll'investiture tra 'o Papa e ll'Imperatore, 'o sud, mméce, prospera sotto 'o guverno d' 'e nurmanne. Ad dopp' 'a caduta d' 'o Regno nurmanno ô Sud Italia, 'o vène conquistato 'a ll'Angiuine, et 'a Sicilia, 'a ll'aragunese. Ô Nord, mméce, 'e comune addeventano signurie, se sviluppa ancora 'e cchiù 'o cummercio et nasceno 'e primme banche. Fernuto 'o Medioevo, c' 'a scuperta 'e l'Ammėreca, ll'Italia se trova spartuta tra 'e putenze cumunale ô Nord, 'o Stato Pontificio ô centro et ll'aragunise a Napule et â Sicilia. 'Sto périodo va' sott' 'o nomme 'e Rinascimento et véde l'Italia comme 'o meglio centro 'e sviluppo artisteco e culturale 'e tutta ll'Europa, specialmente 'a Toscana e 'o Nord Italia. Chisto però è pure 'o periodo d' 'e Guerre d'Italia, ca vedeno 'a penisola comme terra 'e conquista pe' 'e putenze furastiere. A partir 'a 'sto periodo tutta 'a penisola, 'a fora 'e Venezia, se truvarrà mano mano sotto 'a duminazzione diretta o indiretta d' 'e spagnuole o d' 'e francise. Aroppo a quase quatto siecule 'e dominazione furastiera, però, ll'Italia arretruova ll'unità ch' 'o Risurgimento (mità d' 'o XIX sec.) e ch' 'e guerre 'e nnipennenza avviate d' 'e Savoia d' 'o Regno 'e Sardegna. Ll' unità fuje ô 1861, e ô 1870 pure Roma trasette a ffà parte d' 'o neonato Regno d'Italia. 'E Savoia guvernarranno l'Italia 'nfin'â Siconna Guerra Mondiale quanno, doppo pure 'a caduta d' 'o guvierno fascista 'e Benito Mussolini, 'ind'o 1946, aroppo 'o Referendum Repubblica-Monarchia, s'arriva a chella ca pure mò è 'a Repubblica Italiana.

Se pô dicere ca 'o passato storeco 'e ll'Italia ,partenno 'a ll'Impero Rumano p'arrevà ô Rinascimento, se trova â bbase 'e chello ca ogge nuje cunziderammo 'a "Cultura Occidentale" vera e propria. Ch' 'e 45 patrimonie 'e l'UNESCO ca tene,ll'Italia se pô pure 'nzignà comm'o paese cu' cchiù site protette ô munno.

'A maioranza d' 'a gente è Italiana, nu populo '''Indoeuropeo'''. 'A pupulazzione è 'e 58.145.321 perzone, cu na denzità 'e 198 perzone pe km2, nu valore assaje auto, sei vote 'a media d"o cuntinente europeo (ca è 32 perzone pe km2). Ma 'a pupulazzione è assaje irregulare: 'e zzone cchiù pupulate songo: 'o ammazuccato urbano 'e Napule, chillo 'e Milano e 'e coste.

Int'â penisula italiana se parla taliano 'nt'a tutte 'e rreggioni, ma ce stanno tanta dialètte e llengue, comm' o ttedesco ô Trentino, 'o Sloveno ô Friule e 'o ffrancese ô cunfine ch 'a Franza.

In Italia nce sta 'o 90% 'e cattuolici, 'o rriesto se tratta p' 'a maggior parte d'ebbree o prutistante, cu' na parta pure cchiù piccirella 'e mussulmane o ate religgione ancora.

Ll’ente territoriale ca fanno parte d’’a Repubbleca Italiana songo:

• ’e reggione (15 normale e 5 a statuto speciale);
• ’e città metropolitane (14);
• ’e province (93);
• ’e comune (7904).

Date ISTAT ’e l’anno 2020.^[1]

• Abruzzo
• Calavria
• Campania
• Emilia-Rumagna
• Friuli-Venezia Giulia
• Lazzio
• Liguria
• Baselecata
• Lummardìa
• Marche
• Mulise
• Piemunte
• Puglia
• Sicilia
• Toscana
• Trentino-Avere Arece
• Umbria
• Valle d'Aosta
• Veneto
• Zardegna

Ll'economia 'e ll'Italia tene nu prublema gruosso assaje: chillo 'e nu nord ricco e fravecatore e nu sudd ca è povero e nun nnustrializzato. Chisto è nu risultato 'e ll'unità a ogge, addò (nun commo se dice ca 'a questione meridiunale vene d"e tiempe d"e Burbone 'e Napule, ca, tutt"o cuntrario, facettero d"o sudd uno d"e regne cchiù ricche e innustrializzate d"o munno^{[senza fonte]}) basta penzà ca ancora ô 1871 ll' innece d' innustiralizzazzione d"o nord e sud erano quase tale e quale. Ma ancora ê primme anne d"o nuveciento 'a pruvincia 'e Napule era 'ncora una d"e cchiù innustrializzate , Turino e Genova. Na ruìna economica ca, 'ngoppatutto mmò, continua se fà sentì a causa d"a camorra, d"a mafia e d"a 'ndrangheta.

Ll'Italia è uno d"e cchiù gruosse state pe ll'agricultura e o terziario. Ll'Italia è uno d"e cchiù gruosse state pe 'o turismo, grazzie 'e bene culturale suoje. Ll'Italia è ll'uttava putenza economica d"o munno e ffà parte d"o G8, n'organizzazzione ch' accocchia ll'otto state cchiù 'nnustrializzate d"o munno.

1. ↑ Codici comuni, province e regioni. URL cunzurdato ô 28 aprile 2017.

•   Purtale Italia: Trase ê vvoce 'e Wikipedia ca parlano 'e Italia