Anrique I de Fráncia

Anrique I (Reims, 4 de maio de 1008 – Bitry-aux-Lhoges, 4 d'agosto de 1060) fui l Rei de ls Francos de 1031 até sue muorte. Era filho de l rei Roberto II i Custança de Arles. Las tierras de la corona de la Fráncia chegórun al sou menor tamanho durante sou reinado, i por esse motibo Anrique ye tradecionalmente bisto cumo amblemático de la fraqueza enicial de la dinastie capetiana. Antretanto, alguns storiadores l cunsidran cumo un rei fuorte mas rialista, que fui oubrigado a rializar sues políticas sabendo de las lhemitaçones de la monarquia francesa de la época. L pai anstalou-lo cumo Duque de la Borgoña, a 25 de janeiro de 1016 passado tener cumpletado la cunquista de l território.