América

 

J.P. Machado^[3] ye inequíboco al apuntar cumo ourige de l topónimo "América" l prenome de l nabegador eitaliano Américo Bespúcio. Segundo Machado, la palabra yá aparece na obra Cosmographiæ introdutio, de 1507, d'outorie de Martin Waldsemuller, an que, al lhado de cartas scritas por Bespúcio, custa un mapa ne l qual las tierras de l nordeste brasileiro - cuja çcubierta Waldsemuller erroneamente atribuiu a Bespúcio - stán andicadas cumo Americi Terra bel America (de l lhatin "Tierras de Américo ó América"). La forma fui passada pa l feminino por paralelismo culs outros cuntinentes. Quanto al registro desta forma an léngua pertuesa, Machado apunta l testo Lhusitánia Trasformada, de Fernon Álbares de l Ouriente (1607); Houaiss registra la purmeira apariçon de l gentílico "amaricano" an 1679.

An pertués i an mirandés, al cuntrairo de l anglés, nun ye quemun l uso de la palabra "América" para se referir als Stados Ounidos de la América. L gentílico "amaricano", por outro lhado, ye frequentemente ampregado para chamar ls naturales i habitantes daquel paíç; cumo esta prática ye pouco percisa (por permitir cunfuson cul gentílico de l cuntinente), alguns prefíren usar solo ls gentílicos "amaricano" ó "norte-amaricano" an aluson als SOA.

P'alhá de dependéncias, eisísten tamien alguns territórios sin esse statuto, antegrando países lhocalizados an outros cuntinentes.

• Modelo:Country data Fráncia Fráncia
  •   Guadalupe
  •   Guiana Francesa
  •   Martenica

• • La Modelo:Country data Islándia Islándia stá debedida antre la placa cuntinental norte-amaricana i la placa cuntinental ouropeia. Inda assi, ye quaije siempre cunsidrada ua nacion ouropéia, lhebando-se an cunta la sue associaçon cultural culs outros países nórdicos.
  • Anque la massa terrestre más próssima a la ilha de Modelo:Country data Noruega Jan Mayen seia la Groenlándia, la massa cuntinental más próssima desta ilha ye l'Ouropa.
  • Anque la ilha de l Corbo i la ilha de las Flores (ambas ilhas de l   arquipélago de ls Açores) lhocalizáren-se na placa cuntinental norte-amaricana, son quaije siempre cunsidradas ilhas ouropeias.
  • Las Fexeiro:Flag of South Georgie and the South Sandwich Islands.svg Ilhas Geórgia de l Sul i Sanduíche de l Sul son, por bezes, cunsidradas ilhas amaricanas. Inda assi, ye más usual la sue associaçon a l'Antártida.

 Ber artigos percipales: Stória de la América, Stória de la colonizaçon de las Américas.

 

Acradita-se que ls purmeiros migrantes houmanos para la América fúrun nómades asiáticos que atrabessórun la Beríngie ó Puonte Terrestre de Bering (adonde hoije se ancontra l streito de Bering) para chegar a la América de l Norte.

Durante grande parte de l seclo XX, ls cientistas cunsiderában la cultura Clóbis cumo la purmeira de la América, cun sítios datados de cerca de 13500 anhos atrás. Más recentemente, ancontrórun-se outros sítios arqueológicos (ber Luzia) que parécen andicar la persença houmana na América por buolta de 40000 a.C..

An outra óndia migratória, ls inuítes atingiran la region ártica de la América an cerca de 1000. Na mesma época, quelonos bikingues ampeçórun a chegar a la Groenlándia, an 982, i an Vinland, pouco depuis, ambora esta redadeira tenga sido abandonada lhougo an seguida; zaparecírun de la Groenlándia por buolta de 1500.

 

Miles de anhos apuis de las purmeiras migraçones, surgiran las purmeiras ceblizaçones cumplexas ne l cuntinente, cun base an quemunidades agrícolas. Fúrun eidantificados assentamientos sedentários a partir de 6000 a.C.

Grandes ceblizaçones centralizadas zambolbírun-se ne l Heimisfério Oucidental: Norte Chico, Chabin, Nazca, Moche, Huari, Chimu, Pachacamac, Tiahuanaco, Aymara i Anca ne ls Andes Centrales (hoije Peru i Bolíbia); Muisca na Colómbia; Olmecas, Toltecas, Mixtecas, Zapotecas, Astecas i Maias na América Central. Las cidades de ls astecas i de ls maias éran tan grandes quanto las de l Bielho Mundo, cun populaçon stimada an cerca de 300 000 an Tenochtitlán, por eisemplo. Tales ceblizaçones zambolbírun la agricultura, cun culturas de milho, patata, tomate, bóbeda, freijon i abacate, dentre outras. Nun zambolbírun la pecuária an ancha scala, debido a la escasseç de speces ne l cuntinente.

 

Miles de anhos apuis de la chegada de l andígenas, l cuntinente fui redescoberto puls ouropeus. Fui la biaige de Cristófe Colombo que lhebou a la colonizaçon ouropéia generalizada de la América i a la marginalizaçon de ls sous habitantes oureginales. L amprendimiento de Colombo acunteciu nun momiento stórico an que dibersos abanços an técnicas de nabegaçon i quemunicaçon permitiran atrabessar l Atlántico i más tarde disseminar pula Ouropa la ambora de la çcubierta.

La scrabidon, malinas i guerras dizimórun las populaçones andígenas i alterórun radicalmente la cumposiçon étnica de la América. L trabalho scrabo fui reforçado ne l cuntinente cula amportaçon de andebíduos africanos, ne l que se tornou un crecente quemércio scrabagista, l tráfico negreiro. Las populaçones andígenas reduzian-se a la medida que ls cuntingentes brancos i negros crecian debrebe. Ye de notar-se, mas, que l maior númaro de andígenas i de casamientos anterraciales na América Spánica dou ourige la populaçones cun maior cumposiçon étnica de mestiços i andígenas nas Américas Central i de l Sul.

L cuntrole ouropeu subre l cuntinente ampeçou a declinar a partir de la andependéncia de ls Stados Ounidos de la América frente la corona británica, an 4 de júlio de 1776. Por sue beç, l porcesso de andependéncia na América Lhatina ampeçou ne l ampeço de l seclo XIX, ambora yá se registrassen mobimientos natibistas ne l seclo XVIII.

Als poucos, ls pobos lhatino-amaricanos cunquistórun sue andependéncia frente a la Spanha, an giral cul amprego de fuorça melitar: la batailha de Boyacá, an 1819, assegura l fin de l domínio spanhol de l norte de la América de l Sul; la Argentina declara andependéncia an 1816, an cungresso reunido an Tucumán; l México lhibera-se de maneira relatibamente pacífica an 1821; naquel período la maiorie de l países lhatino-amaricanos oubtén sue andependéncia. La Spanha lhogrou mantener sob sou cuntrole Porto Rico i Cuba, até 1898. La maiorie de l países de l Caribe lhibertou-se ne l seclo XX.

L Brasil, solo paíç amaricano de fala pertuesa, atingiu la andependéncia de maneira particular. Debido a las guerras napoleónicas, la capital de l Ampério Pertués fura trasferida de Lisboua pa l Riu de Janeiro, l que probocou la eilebaçon de l Brasil a la catadorie de Reino Ounido cun Pertual i Algarbe. La dissoluçon pacífica deste reino ounido, an 1822, cula andependéncia de l Brasil, resultou nua monarquia, la sola de la América (cun sceçon de alguns ansaios mal-sucedidos ne l México i ne l Haiti).

Ls grandes protagonistas de l período de la andependéncia amaricana fúrun George Washington i Thomas Jefferson, Simón Bolíbar, José de San Martín, Bernardo L'Higgines, Miguel Hidalgo y Costilla, José Bonifácio de Andrade i Silba, D. Pedro I i outros.

La Grana-Colómbia, andependiente an 1819, dissolbiu-se an sues partes custituintes an 1830: Colómbia, Venezuela i Eiquador (l Panamá apartar-se-iba de la Colómbia an 1903, por anfluéncia amaricana).

 

Questones de lhemites causórun frequentes guerras antre las nuobas repúblicas de la América, dentre las quales se çtacan la Guerra de l Pacífico (Chile-Bolíbia-Peru), que resultou an ganhos territoriales pa l Chile, i la Guerra de la Tríplice Aliança ó de l Paraguai (Argentina, Brasil, Uruguai contra Paraguai), cun sérias cunsequéncias demográficas para la populaçon paraguaia. La própia cunsulidaçon de ls nuobos países nun se fizo sin cunfrontos, de que ye eisemplo la Guerra Cebil Amaricana.

An 1888, l Brasil libertou ls sous scrabos. De sue andependéncia até 1889, l paíç mantebe la forma de goberno monárquica. Naquel anho, l eisército proclamou la república, regime que bigora até l persente, cun dibersas alteraçones.

Al lhongo de l seclo XIX, ls Stados Ounidos de la América spandiran-se an território i an pujança eiquenómico-comercial, prelúdio de ls status de superpoténcia de que benerien a gozar ne l seclo XX. La spanson territorial amaricana ancluiu la cumpra de la Lhuisiana, de l Alasca i de la Flórida Ouriental, la partilha de l Oregon Country, cunflitos cul México (aneixaçon de l Texas, Guerra Mexicano-Amaricana: aneixaçon de Colorado, Arizona, Nuobo México, Wyoming, Califórnia, Nebada i Utah) i cula Spanha (Guerra Spano-Amaricana: aneixaçon de Porto Rico, Cuba, Guan, Filipinas), aneixaçon de l Habaí i de dibersas ilhas ne l Pacífico i ne l Caribe.

Ls Stados Ounidos çpontórun cumo l ator central de la América i de l planeta cumo un to ne l seclo XX, cun papel protagónico nas relaçones anternacionales, na ciéncia i tecnologie, nas artes (cun çtaque para la música popular i l cinema) i outras árias. La América Lhatina çtacou-se ne l domínio de las artes, cun sue música popular (na qual se çtaca la música popular brasileira mas tamien l tango argentino i outros ritmos), sue literatura, cun grandes nomes cumo Jorge Lhuis Vorges, Gabriel García Márqueç, Mario Bargas Llosa, Pablo Neruda i Jorge Amado, i sous artistas plásticos, cumo Fernando Botero, Diego Ribera, Frida Kahlo i Portinari.

L seclo tamien rebelarie un grande abismo antre l norte rico i zambolbido, cumpuosto puls Stados Ounidos i Canadá, i l sul pobre i an zambolbimento, antegrado pula América Lhatina i Caribe. Democracies stabais, ls EUA i l Canadá, cuntrastórun cun ls frequentes golpes melitares lhatino-amaricanos.

La América ye la segunda maior massa de tierra de l planeta, apuis de la Ásia, cun ua ária aprossimada de 42 189 120 km².^[6] Stende-se zde l ouceano Ártico,^[7] ne l norte, até l cabo Horn (56º S de lhatitude),^[8] ne l sul. L sou stremo ouriental ancontra-se na Groenlándia, ne l Nordostrundingen,^[9] anquanto que l stremo oucidental chimpa a 172º I de lhongitude, na ilha de Attu, nas Aleutas.

La América cumpone-se de dous subcontinentes (ó cuntinentes, causo nun se cunsidere la América un cuntinente solo): la América de l Norte i la América de l Sul. Segundo las teories de deriba cuntinental i de las placas tetónicas, ambas las massas tenerien permanecido apartadas por milhones de anhos. Apuis de la dibison de Gondwana i Laurásia, tener-se-iban mobido até sues atuales posiçones, ounidos pula América Central (cunsidrada parte de la América de l Norte), de ampeço un arco ansular i, más tarde, ua puonte de tierra surgida pula açon de las placas tetónicas. L punto más streito desta puonte ye l istmo de l Panamá, formado hai trés milhones de anhos. Outro arco ansular, las Antilhas (tamien cunsidradas parte de la América de l Norte), custituen-se an outra conexon antre ls dous subcontinentes. De l punto de bista geopolítico, questuma-se cunsidrar l Panamá an sue totalidade cumo parte de la América de l Norte.

A maior parte de la América de l Norte jaç subre la Placa Norte-amaricana, ambora porçones de la Califórnia i de l oeste de l México stéian subre la Placa de l Pacífico, cula Falha de Santo André a apartar las dues placas. La América de l Sul assenta-se subre la Placa Sul-amaricana. L Caribe i l sul de la América Central stan subre la Placa de l Caribe.

 

 

La América de l Norte questuma ser debedida an quatro grandes regiones:

• las Grandes Planices, de l golfo de l México até l Ártico canadiano (este redadeiro cumprende ls trés territórios de l Canadá: Yukon, Territórios de l Noroeste i Nunabut);
• l Oeste, que anclui las muntanhas Rochosas, la Grande Bacia (l dibisor de augas antre las Rochosas i la Sierra Nebada), la Califórnia, l Alasca i grande parte de l México;
• l Scudo Canadiano, ne l nordeste; i
• la region lheste, que anclui ls Apalaches, la planice costeira al lhongo de l Atlántico i la península de la Flórida.

La América de l Sul questuma ser debedida an siete grandes regiones:

• la planice costeira de l Pacífico;
• l Caribe sul-amaricano (cumprende la Colómbia, la Benezuela i las Guianas);
• ls Andes i l Altiplano (l praino andino lhocalizado ne ls territórios de Argentina, Chile, Bolíbia, Peru i Eiquador);
• la Bacia Amazónica;
• l Praino Central, ne l Brasil;
• La planice costeira de l Atlántico; i
• la Patagónia.

 

Hai un cierto paralelo antre l relebo de las Américas de l Norte i de l Sul. La oeste, ancontran-se grandes cordilheiras, cumo las Rochosas, ne l norte, la Sierra Madre Oucidental, ne l centro, planices i depressones, i ls Andes, ne l sul. An ambos ls subcontinentes, hai grandes planices adonde se formórun, dentre outras, dues de las maiores bacies hidrográficas de l planeta, la de l Mississipi i la de l Amazonas.

L punto culminante de la América ye l Acuncágua, na Argentina, cun 6 959 n.

 

La populaçon de la América cumprende çcendentes de grandes grupos étnicos, cumo ls andígenas (anclusibe inuítes i aleútas), ls ouropeus (principalmente spanholes, angleses, irlandeses, eitalianos, pertueses, franceses, almanes i houlandeses), negros africanos, asiáticos i médio-ourientales, bien cumo mestiços i mulatos.

La maiorie de la populaçon bibe na América Lhatina, assi chamada debido a sues lénguas dominantes, espanhol i pertués, ambas deribadas de l latin; las regiones de léngua francesa son cunsidradas, a rigor, parte de la América Lhatina. Questuma-se cuntrastá-la cula América Anglo-Saxónica (Stados Ounidos i Canadá), adonde se fala l anglés, ua léngua germánica, i adonde la populaçon ten raízes británicas; a rigor, outros países de lhénguas germánicas, cumo Guiana, Suriname, Belize, Jamaica i grande parte de las Índias Oucidentales, tamien antegran la América Anglo-Saxónica.

• Ária total: 42.189.120 km²
• Maior paíç an stenson: Canadá
• Paíç más populoso: Stados Ounidos de la América
• Punto culminante: Acuncágua (Argentina)
• Maior ilha: Groenlándia (2.175.000 km²)
• Maior depresson: Bal de la Muorte (Stados Ounidos de la América)
• Maior bacie hidrográfica: bacie Amazónica (América de l Sul)
• Maior riu: Amazonas (Brasil i Peru)
• Maior PIB: Stados Ounidos de la América
• Númaro de países: 35
• Maior IDH: Canadá
• Maior temperatura registrada: 56,6 °C (Bal de la Muorte, (EUA)
• Menor temperatura registrada: -61,4 °C (Ilhas Árticas, Ilha de Ferrentzen)
• Maiores cidades, an populaçon (sclusibe ls demales munecípios de las regiones metropolitanas) : San Paulo (Brasil), Cidade de l México (México) i Nuoba Iorque (Stados Ounidos de la América).
• Maiores regiones metropolitanas, por populaçon: Cidade de l México, San Paulo i Nuoba Iorque.^[10]

1. ↑ Ls dados para ária i populaçon cústan de l artigo Amérique, de la fr:Wikipédia (Wikipédia francófona).
2. ↑ Dicionário Houaiss.
3. ↑ Dicionairo Ounomástico Eitimológico de la Lhéngua Pertuesa, berbete "América".
4. ↑ Habaí na Ouceania.
5. ↑ Ilhas Próssimas, Ilhas Rat, Ilha de San Lhourenço i Ilha Buldir na Ásia.
6. ↑ Las fuontes diberge quanto a la ária sata de las Américas, que barie cunforme se ancluen ó scluen territórios periféricos, cumo las ilhas. L dado citado eiqui custa de l artigo Amérique, de la fr:Wikipédia
7. ↑ L punto sato ne l Ártico ye motibo de çputa, segundo se cunsidere la Groenlándia cumo ancluída (cabo Morris Jesup, 83º 37' M de latitude, na Groenlándia) ó scluída (Cabo Colúmbia, 83° 05' N, ne l Canadá) de l cuntinente.
8. ↑ Se se cunsideráren las ilhas chilenas de Diego Ramíreç (56° 30′S) parte de la América, estas custituirian l stremo meridional de l cuntinente.
9. ↑ Scluídas las ilhas, l stremo ouriental de las Américas ancontra-se ne l Cabo Vranco, Brasil, a 35º L de lhongitude.
10. ↑ = 1132419689&men = gcis&lng = de&gln = xx&dat = 32&srt = pnan&col = aohdq&t = la&ba = x «World Gazetter – Welt: Ballungsräume» Cunsulte valor |url= (ajuda)  Parâmetro desconhecido |acessdata= ignorado (ajuda)