Каца

Каца – голем, валчест, дрвен сад, стегнат со обрачи, на дното проширен, а на горната страна отворен.^[1] Каците се користат за чување расол, туршија, сирење, месо и други производи. Од бочвата се разликува по тоа што горната страна на садот е отворена или се покриван со посебен дрвен капак. Каца со мала зафатнина се нарекува каче.

Како и бочвите, така и каците се изработуваат од дрвени летви стегнати со железни обрачи. Најчесто се користи даб, поретко се користи багрем и костен. Кацата има еден отвор – горната основа на садот.