Ahmad Taufik

Ahmad Taufik

Biografi
Lahia	12 Juli 1965 Daerah Kusuih Ibukota Jakarta
Kamatian	23 Maret 2017 (51 tahun (id) )
Agamo	Islam
Almamater	Universitas Islam Bandung (id)
Kagiatan
Karajo	Wartawan
Periode aktif	1986  –
Panghargaan (1995)  CPJ International Press Freedom Awards (en)

Ahmad Taufik (lahia 12 Juli 1965 - meninggal 23 Maret 2017 pado umua 51 tahun) adolah saurang jurnalis senior nan pernah karajo di tempo.^[1] Tempro adolah ciek dari tigo barito mingguan nan dilarang pado maso Soeharto tahun 1994.^[2] Ahmad taufik marupokan jurnalis nan mangalami hukuman tigo tahun karano manabikan artikel kritis wakatu rezim Soeharto. Wakatu itu, Taufik manulih artikel di majalah berita Aliansi Jurnalis Independen (AJI) tantang masalah suksesnyo presiden maso itu jo kakayoan nan dimiliki dek presiden tasabuik. Taufik dibebaskan basyarat pado masa hukuman duo pertigo dari maso hukumannyo. ^[2]

Ahmad Taufik lahia pado 12 Juli 1965, di Jakarta, Indonesia nan marupoan katurunan dari kaluargo Hadrami. Ahmad Taufik nan biaso dikenal jo AT ko pernah kulaih di Universitas Islam Bandung dan lulus sabagai sarjana hukum. Samaso kuliahnyo, AT acok ikuik dalam kegiatan-kegiatan nan manyaluran suaro protes mahasiswa dari kasus badega. Salamo iduiknyo, AT banyak mambuek karya-karya takaik pemikirannyo tahadok pamarintah. Salain itu, AT pun mampajuangan kebebasan berekspresi dan pers di Indonesia sahinggo inyo mandirian organisasi wartawan yaitu Aliansi Jurnalis Independen (AJI). ^[3]

Taufik masuak ka Tempo pado tahun 1989. SIkapnyo nan independen mambuek rezim nan bakuaso pado maso itu marah.^[3] Hal iko karano manulih artikel tantang suksesnyo presiden dan kakayaan keluarga presiden pado maso itu. Karano tulisan tasabuik, Taufik dihukum pado 1 September 1995 karano malanggar Pasal 19 UU Pers, nan malarang penerbitan surek kaba atau majalah tanpa izin, jo Pasal 154 KUHP nan malarang ungkapan "perasaan permusuhan, kebencian, atau penghinaan manuju pemerintah".^[2] Akhianyo, Taufik dihukum 2 tahun 8 bulan penjara di Pengadilan Negeri Jakarta Pusat. Saat itu, Taufik ditangkap dalam sabuah acara halal-bihalal di hotel Wisata Jakarta. Taufik ditangkap basamo duo rekannyo yaitu Eko Maryadi nan marupoan aktivis AJI jo Danang Kukuh Wardoyo nan marupoan kapalo rumah tangga AJI. ^[4]

AT salamo di panjaro mandapekan banyak bana pengalaman nan bahargo untuak iduiknyo. Contohnyo sajo AT mangatahui ternyato salamo ko banyak bana aturan nan indak sasuai jo kanyataan. Mode hakim nan majatuhan vonis tapi indak mamaratian kasaksian tersangka, dan pamasalahan mode ko acok tajadi dalam kasus pambunuhan jo narkoba. AT pun batamo jo Xanana nan marupoan pajuang untuak kemerdekaan Timor-Timur. Salain bahubungan jo politik, di panjaro AT jugo mamanfaatkan tampek untuak baraja bahaso Portugis. ^[4]

Salamo di panjaro, AT dipindahan ka beberapo tampek yaiitu Polda Metro Jaya salamo 57 hari, Salemba salamo satu tahun. Salanjuiknyo, inyo dipindahan ka Cipinang pado 6 Mei 1996, nan tapek jo kaburnyo Eddy Tansil. AT dipindahan liak ka LP Cirebon dan tarakhia, inyo dipindahan ka LP Kuningan di Jawa Barat. ^[4]

AT pun parna manjadi advokat dan aktif mambela urang-urang nan disingkirkan akrano diskriminasi agamo, rakyat miskin ataupun urang-urang nan dizalimi. AT jugo bagabuang dalam koalisi Advokat Internasional untuak mambela hak-hak bangsa Palestina. ^[5]

Karya nan dibuek jo AT ko banyak bana, mulai dari berita liputan, kritikan hingga buku. Salamo inyo di penjaro, inyo ado manulih carito nan inyo rasoan salamo di penjaro dan ditabikan jo judul "Penjara, The Untold Stories". ^[3] Buku iko diluncuran pado 10 Juni 2010 jo taba 189 halaman. Paluncuran buku ko diadokan di Auditorium Universitas Paramadina, Jakarta Selatan. Tujuan AT manabikan buku ko untuak masyarakat mode petugas lembaga kemasyarakatan, mantan narapidana, ataupun satgas mafia hukum supayo mandapekan gambaran tantang iduik di penjaro jo apo nan paralu dipersiapkan untuak narapidana tasabuik kalua dari penjaro. Ijan sampai, urang-urang tu kalua, lalu baliak manjadi kurir narkoba ataupun pambunuh. ^[6] Badasaran pengalaman AT, panjaro marupoan tampek lahan bisnis, nan ado pitih dapek kanyamanan, nan indak ado pitih dak ado harapan. Banyak taktik licik nan dipraktikkan mulai dari panangkokan, panampekan ruang tahanan sampai ka pambebasan. ^[7]

Prolog^[7]

1. Melarikan diri
2. Sipir
3. Judi
4. Narkoba
5. Modus kongkalikong
6. Seks dalam kerangkeng
7. Rumah sementara Salemba
8. Seks di Rutan Salemba
9. Yang khas dan "oleh-oleh"
10. Cipinang, Cirebon, sampai Kuningan
11. Terkesan sesame penghuni
12. Mencari dolusi dalam jeruji

Epilog

AT marupoan wartawan senior na patuik diacungi jempol ateh kabaraniannyo dalam maliput. AT pernah maliput di pabatehan Pakistan-Afganistan (Tribal Area), salamo 40 hari pado saat Amerika Sarikat manyarang pamarintahan Taliban di Afganistan tahun 2001. Salain itu, AT parnah lo maliput pamilihan umum di Irak pado 24 Januari - 1 Maret 2005. ^[5]

Satalah kalua dari penjaro, AT pun pernah mambuek marah bos Grup Artha Graha, Tomy Winata. Hal iko karano AT mambuek tulisan dengan judul "Ada Tomy di Tenabang", nan dimuat di Tempo edisi 3-9 Maret 2003. ^[3] Dalam tulisan tasabuik, AT manjalehan baa keterlibatan Tomy Winata nan pado saat itu marupoan pengusaha paliang kuat di Indonesia, masuak dalam kasus pasar tekstil Tanah Merah. Manurut AT nan didapekan di lapangan, Winata alah mangajuan rencano untuak mamasaran produk tasabuik babarapo bulan sabalum panumpasan pasar. Mako dari itu, Winata malakukan gugatan ateh pancamaran namo baik. ^[3]

Ahmad Taufik dikenal jo urang nan produktif dalam iduiknyo. Salamo bakarir, inyo pernah mandapek penghargaan Tasrief Award sabagai Indonesia Press Freedom Award. Salanjuiknyo, pado 1995 AT mandapekan penghargaan liak International Press Freedom Award dari CPJ nan ado di Newyork, Amerika Sarikat. Tahun 1996, Taufik dianugerahi Digul Award-Human Rights Award Indonesia. Lalu, tahun 1998 inyo mandapekan panghargaan Hellman / Hammet Award dari Amrican Writer, New York. ^[3] Banyaknyo panghargoan nan didapek AT salamo iduiknyo, manandoan bahwa AT adolah urang nan elok nan baprestasi dalam bidangnyo. Inyo pun sangat mancintoi Tempo. ^[8]

Kabar maningga AT menyebar langsuang ka sagalo panjuru, dan banyak urang nan maraso kahilangan sosok AT. AT meningga pado Kamis, 23 Maret 2017 pado umua 52 tahun. Inyo maningga di Rumah Sakit Medistra, Jakarta dan dikabaan maningga karano sakik kanker paru-paru nan didaritonyo. AT dimakamkan di di Tampek Pamakaman Umum (TPU) Karet Bivak, Jakarta. ^[8]

1. ↑ setiawan, Kodrat (2017-08-07). "Rayakan HUT Ke-23, AJI Gelar Tribute untuk Ahmad Taufik". Tempo (dalam bahasa Inggris). Diakses tanggal 2020-03-09. 
2. ↑ ^{a b c} "Pacific Media Watch". web.archive.org. 2011-09-28. Diarsipkan dari versi asli tanggal 2011-09-28. Diakses tanggal 2020-03-10. 
3. ↑ ^{a b c d e f} "Mengenang Ahmad Taufik, jurnalis Tempo pernah dibui rezim Soeharto". merdeka.com (dalam bahasa Inggris). Diakses tanggal 2020-03-10. 
4. ↑ ^{a b c} "Wawancara Ahmad Taufik". web.archive.org. 2011-07-21. Diarsipkan dari versi asli tanggal 2011-07-21. Diakses tanggal 2020-03-10. 
5. ↑ ^{a b} Jitunews.com (2017-03-23). "KABAR DUKA: Ahmad Taufik, Jurnalis Senior Sekaligus Pendiri AJI Tutup Usia". Jitunews.com (dalam bahasa Indonesia). Diarsipkan dari versi asli tanggal 2020-02-26. Diakses tanggal 2020-03-20. 
6. ↑ "The Untold Stories: Wartawan Tempo di Empat Penjara". Tempo (dalam bahasa Inggris). 2010-06-10. Diakses tanggal 2020-03-20. 
7. ↑ ^{a b} Taufik;, Ahmad (2010) (dalam bahaso Indonesia). Penjara the Untold Stories: Kisah Nyata Mantan Napi yang Menguak Skandal Penyimpangan dalam Penjara. Ufuk Press. ISBN 978-602-8224-89-5. https://perpustakaan.komnasham.go.id/opackomnas/index.php?p=show_detail&id=11340&keywords=. ^{[pranala nonaktif permanen]}
8. ↑ ^{a b} Cahyani, Dewi Rina (2017-03-23). "Wartawan Senior Tempo Ahmad Taufik Tutup Usia". Tempo (dalam bahasa Inggris). Diakses tanggal 2020-03-20.