Wikipedia:Pangguno umbu-umbu
 | Laman ko marupoan kabijakan rasmi di Wikipedia bahaso Minang. Isinyo alah ditarimo saluruah pangguno dan dianggap sabagai standar nan wajib dipatuhi dek kasadoalah pangguno. |
Pangguno umbu-umbu (bahaso Inggirih: sockpuppet) adolah akun tambahan nan dipakai dek surang pangguno nan manyuntiang Wikipedia manggunoan labiah dari satu akan, jo tujuan untuak indak dikena dek pangguno lain. Indak ado manfaaik nan positif dari panggunoan akun umbu-umbu. Walaupun indak ado aturan khusus nan malarang akun kategori ko, pamakaian akun umbu-umbu sangaik indak dianjuakan.
Bantuak akun umbu-umbu nan paliang umum:
- Mambuek labiah dari satu akun baru untuak mangindari palacakan, pamblokiran (kok akun utamonyo tablokir, atau sajinihnyo.
- Mambuek labiah dari satu akun baru untuak manabua spam, vandalisme, gangguan, panganvasan (promosi), iklan, atau sajinihnyo.
- Mambuek labiah dari satu akun baru untuak maagiah suaro dalam satu pamiliahan, pamungutuan suaro, atau pangambilan kaputusan. Di Wikipedia, balaku prinsip one man one vote (satu urang satu suaro), bukan one account one vote (satu akun satu suaro).
- Manggunoan akun pangguno lain untuak tujuan apopun (piggybacking) tanpa izin dan/atau tanpa sapangatahuan panggunoa Wikipedia lain; dapek juo dihituang subagai pambajakan akun.
- Maiduikkan baliak akun nan alah lamo indak tapakai (sleepers) dan manampilannyo subagai akun nan lain.
- Mambujuak kawan atau kenalan untuak mambuek akun untuak mandukuang salah satu sisi dalam satu pasilisiahan (meatpuppetry).
Nan bukan kategori akun umbu-umbu:
- Bot. Operator bot harus manyatoan baso bot itu miliaknyo. Bot atau namo pangguno nan manganduang kato "bot" tapi indak ado nan punyo, atau bukan bakarajo subagai bot, dapek diblokir dek panguruih.
- Mambuek akun baru kok nan lamo alah ndak dapek diakses (lupo kato sandi dan/atau alamaik surel, atau kanai bajak, atau sajinihnyo)
- Ganti namo pangguno, atau akun nan lamo dinyatoan alah ndak aktif lai dek karano masalah privasi, atau kanai bajak, atau sajinihnyo.
- Akun alternatif. Ado kaadaan nan mamaso saurang punyo labiah dari satu akun, contonhyo pegawai atau kontraktor Yayasan Wikimedia dan organisasi-organisasi lain nan takaik.
- Akun-akun teknis
Pangguno umbu-umbu indak ditarimo dalam proses pamungutan suaro.