Musajik Tuo Kayu Jao
Musajik Tuo Kayu Jao marupokan salah satu cagar budayo di Sumatera Barat nan diawasi dek Balai Pelestarian Peninggalan Purbakala.[2] Musajik iko alah babarapo kali mangalami pamugaran, sarupo pamugaran salah satu tiang jo panggantian atok ijuak nan lamo jo nan baru karano alah lapuak. Walaupun alah babarapo kali dipuga, kaaslian muajik iko masih tatok dipartahankan.[3] Namun dalam pamugaran tarakhir, warna cat musajik iko nan sabalunnyo putiah diganti manjadi coklat kahitaman.[2]
| Musajik Tuo Kayu Jao Masjid Tuo Kayu Jao | |
Masjid Tuo Kayu Jao setelah dipugar | |
| Latak | Jorong Kayu Jao, Nagari Batang Barus, Kecamatan Gunung Talang, Kabupaten Solok, Sumatera Barat, Indonesia |
| Afiliasi agamo | Islam |
| Deskripsi arsitektur | |
|---|---|
| Jinih arsitektur | Masjid |
| Gaya arsitektur | Minangkabau |
| Pambukoan tanah | Abad ke-16 |
| Spesifikasi | |
| Panjang | 15 meter[1] |
| Leba | 10 meter[1] |
| Gobah | Tidak ada |
| Minaro | Tidak ada |
Saaik iko salain digunokan untuak aktivitas ibadah umaik Islam, musajik satu lantai iko pulo digunokan sabagai sarana pandidikan agamo bagi masyarakaik, bahkan alah manjadi salah satu daya tarik wisata takamuko di Sumatera Barat tarutamo di Kabupaten Solok.[4]
Sejarah
suntiangIndak dikatahui pasti taun barapo sabatuanyo musajik iko badiri. Badasarkan sajumlah catatan musajik iko dibangun pado taun 1599,[5][6] samantara catatan lain juo ado nan manyabuiknyo labiah tuo dari itu.[2] Namun talapeh dari pabedan tasabuik, pambangunan musajik iko dilakukan manyusua dimulainyo pakambangan agamo Islam di kawasan Solok pado abaik ka-16.[7] Nagari tampek musajik iko barado maupun sakitanyo juo alah dibantuak sabalunnyo langkok jo tigo unsua kapamimpinan nan dikana dek masyarakaik Minangkabau, iyolah alim ulamo, cadiak pandai, dan ninik mamak.[5][6] Manuruik pamuko masyarakaik satampek, tadapek duo urang nan baparan dalam pambangunan musajik iko, yakni Angku Musaur jo Angku Labai, nan kaduonyo dimakamkan indak jauah dari lingkungan musajik[2]
Arsitektur
suntiangArsitektur nan dimiliki musajik iko sacaro kasaluruhan dipangaruahi dek corak Minangkabau. Musajik iko mamiliki tatanan atok sabanyak tigo tingkek nan tabuek dari ijuak jo katabalan sakita 15 cm[2] jo parmukaan dibuek indak data malainkan saketek cakuang; parmukoan atok nan cakuang cocok untuak daerah bariklim tropis karano dapek labiah capek mangalirkan aie hujan ka bawah.[8][5] Antaro tingkatan atok nan satu jo nan lain tadapek calah nan dibuek untuak pancahayaan jo tingkatan tarateh marupokan atok babantuak limeh. Bagian mihrab mamiliki atok jo bantuak babedo, iyolah babantuak gonjoang layaknyo Rumah Gadang. Di sisi lain, corak Islam tacaliak pado tiok puncak atok nan dilangkoki mustaka.
Atok musajik iko disangga dek 27 tiang, simbolisasi dari anam suku di sakita mmusajik iko nan masiang-masiang tadiri dari ampek unsua pamarentahan ditambah jo tigo unsua dari agama yakni khatib, imam, dan bilal.[3][6] Simbolisasi lain juo tadapek dalam jumlah jandela nan sabanyak 13, nan mangisyaraikkan jumlah rukun salat.[7]
Sabalun pangareh suaro ado, musajik-musajik di Indonesia umumnyo manggunokan tabuah sabagai panando masuaknyo wakatu salat dan dipukul katika wakatu untuak salat tibo kamudian akan dilanjuikkan jo kumandang azan. Sarupo musajik tuo lainnyo di Indonesia, musajik iko pulo mamiliki tabuah. Tabuah nan dipakirokan barumua samo jo musajik iko dilatakkan di bangunan tasendiri di lingkungan mMusajik.[8] Sabagai salah satu budayo Islam di Indonesia, kabaradaan tabuah tasabuik masih tatok dipartahankan.
Caliak pulo
suntiang- Islam di Sumatera Barat
Rujuakan
suntiang- Catatan kaki
- ↑ a b Harian Haluan 2012.
- ↑ a b c d e Wawasanproklamator.com 2012.
- ↑ a b Media Indonesia 2011.
- ↑ ANTARA 2012.
- ↑ a b c Harian Haluan 2011.
- ↑ a b c Lampung Post 2012.
- ↑ a b ANTARA 2011.
- ↑ a b Liputan6.com 2009.
- Daftar pustaka
Pranala lua
suntiang- Masjid Tuo Kayu Jao Archived 2010-11-30 di Wayback Machine. di situs web rasmi Pamarentah Provinsi Sumatera Barat