Pueta

Un pueta a l'è vün che'l scrif i puesij. El nom el vegn del latin poeta, derivaa del grech antich ποιητῆς (poiētês) che a sua völta el vegn del verb ποιέω (poiéō), che'l gh'ha cume sens literal "fà", ma anca creà, e de fatt el pueta a l'è vün che 'l fa di creaziun (inscì eren cunsideraa i puesii, minga dumà di semplis cumpuniment, ma adiritüra di creaziun), ròba che 'l da ai pueta un'investidüra quasi divina. Gh'emm minga de desmentegàss che al temp di grech, indue l'è nasüda la parola, i pueta diseven de vess ispiraa di Müs, i divinitaa de l'art.