Garbagnaa (LC)
| Garbagnaa Munastér Comun | |||||
|---|---|---|---|---|---|
| |||||
| Dats aministrativ | |||||
| Stat | Itàlia | ||||
| Rejon | Lombardia | ||||
| Provinça | Provincia de Lecch | ||||
| Capolœg | Garbagnate Monastero | ||||
| Politega | |||||
| Sindeg | |||||
| Orgen lejislativ | Consili comunal | ||||
| Territore | |||||
| Coordinade | 45°46′N 9°18′E / 45.766667°N 9.3°E | ||||
| OSM | 46030 | ||||
| Voltituden | 299 m s.l.m | ||||
| Superfix | 3,5 km² | ||||
| Abitants | 2 532 ab. (1º genar 2023) | ||||
| Densitaa | 723.43 ab./km² | ||||
| Confin | Barzagh, Còsta Masnaga, Siron, Bülciagh e Multee | ||||
| Fus orari | UTC+01:00 e UTC+02:00 | ||||
| Varie | |||||
| Prefiss | 031 | ||||
| Codex postal | 23846 | ||||
| Sigla autom. | LC | ||||
| Codex ISTAT | 097037 | ||||
| Codex catastal | D913 | ||||
| Cl. climatega | |||||
| Cl. sismega | |||||
| Localizazion | |||||
 | |||||
| Sit istituzional | |||||
Garbagnaa (nomm ofizzial in italian Garbagnate Monastero) a l'è on comun de la Provincia de Lecch con 2 445 abitant (dato del Desember 2015[1]), cont ona superfis de 3,5 km² e ona densità de 699 ab./km².
L'è tacaa ai comun de Barzagh, Bülciagh, Còsta Masnaga, Molten e Siron.
Geografia
[Modifega | modifica 'l sorgent]A l'è on comun de la Brianza central, in de la zona de collinn a sud-est del Lagh de Pusian. L'è traversaa de la Bevera e, oltra al center comunal, el gh'ha anca la frazzion de Brongg (it. Brongio), che la se troeuva a sud-est, in su la strada che la va a Barzagh.
Storia
[Modifega | modifica 'l sorgent]El par che 'l sò nomm el poeuda rivà del latin garbus, che 'l voeur dì "spiazz d'erba". El monastee regordaa in del nomm ofizzial italian (e che l'è disegnaa anca in del stemma comunal) el par che l'è staa faa su in del VIII secol, ma al dì d'incoeu el gh'è pu.
L'è de origin gall-romana, e in del Medioev l'era denter ai territori ministraa del monastee de San Martin, che poeu hinn staa passaa ai famej Corbetta e d'Ada. El s'è desliberaa del domini feudal in del 1671. Prima l'era denter a la piev de Ogionn, e poeu l'è passaa sotta a quella de Inscin.
Fina al XIX secol el paes el viveva de agricoltura, soratutt forment e formenton. Poeu l'è passaa a l'industria di bigatt.
Monument
[Modifega | modifica 'l sorgent]Garbagnaa el gh'ha minga ona soa parocchia, ma l'è denter a quella de Molten. A bon cunt, in del paes a gh'è l'oratori di Sant Nazari e Cels (patronn del paes), che l'è del XII secol: el gh'ha ona pianta rettangola e on'absida a semi-serc. I restaur del 1891 hann tiraa foeura un'absida che forsi l'è del VI-VII secol.
Inscambi Brongg la gh'ha ona soa parocchia, che l'è dedicada al San Bernard (el patronn de la frazzion). La gesa che gh'è adess l'è stada fada su in del 1923-1933, ma prima ghe n'era on'oltra, che l'era deventada parocchia in del 1608 per vorè del cardinal Federigh Borromee; el sò campanin inveci l'è del XVI secol. De dent a gh'è on afresch del XVI secol con su San Rocch.
Evoluzion demografega
[Modifega | modifica 'l sorgent]L'andament del numer de abitant del comun de Garbagnaa Munastér l'è mostraa in la tabella chi de sotta
Abitant censid
Bibliografia
[Modifega | modifica 'l sorgent]- Enciclopedia dei comuni d'Italia. La Lombardia paese per paese, vol. IV, Fiorenza, ed. Bonechi, 1985
Riferiment
[Modifega | modifica 'l sorgent]- ↑ Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.
