Ciexa ortodossa

Quell articol qì l'è scrivud in Lombard, cond l'ortografia Scriver Lombard.

Qell articol qì l'è domà un sboz. Se voltr sii bon de meter-g denter un quaicoss de plu, preocupeves miga e proveg. Insì de haver-g un'idea de tuts i oltr sboz, vardee qì insì.

La Ciexa ortodossa l'è vuna dei tre principai denominazion del cristianesim, la segonda per numer de fedei (plu o manc 250 milion) dop de qella catolega. L'è formada de la comunion dei ciexe autocefale, governade (d'ordinare) de l'assemblea dei so vescov, ciamada Sant Sinod. La g'è miga una autoritaa centrala, compagna del Papa ind la ciexa catolega; inscambe, ol Patriarca de Costantinopel l'è recognossid come primus inter pares. La s'è spartida in manera definitiva de la Ciexa Catolega despos del Scisma del 1054, soratut per la question del Filioque.^[1]

Lor i cred a set sacraments, compagn dei catoleg: batez, confession, comenion (qe i recognoss 'me corp e sang del Crist, o ben la transustanziazion), cresma, matrimone, orden sacr e 'l dar l'ole sant, e tant 'me i catoleg i recognoss i prim set concili ecumeneg, i ge cred e i prega i Sants, i recognoss la sucession apostolega e i onora la Madona.^[2]. A diferenza dei catoleg, i recognoss miga ol Papa 'me guida de la Ciexa e i le ved miga 'me infallibel, e i cred miga qe la Madona la sies nassida senza pecad orijenal, qe per i catoleg a l'è un dogma (qell de l'Imacolada Concezion), ma qe l'habie vivid libera del pecad, e i cred miga a'l purgatore, anca se i pensa qe ge pœl vesser un period de speitar prima de indar-g denter a'l paradis.^[2] G'è anc dei ortodoss qe ge recognosseress a'l Papa un primad d'onor (ma miga de govern), qe però al ge sarà doma quand qe la ciexa la tornarà a vesser unida.^[3]

A g'è miga de sconfonder-i cond i ciexe ortodosse orientale, qe l'è una ciexa qe la s'è destacada de la Gran Ciexa ind el 451, qe i è miafisista, o ben i cred qe ol Crist al g'habie domà una natura, qe la g'è mai staita e la ge sarà mai ind l'om, faita su de qella divina e de qella umana; i oltre ciexe inscambe i pensa qe ol Crist al g'habie do nature, roba sostegnida ind el Cred de Calcedonia, qe i sta insema senza nissun problema.^[4]

1. ↑ Jul 16, 1054 CE: Great Schism.
2. ↑ ^{2,0 2,1} 10 Differences Between the Orthodox and Catholic Churches.
3. ↑ Cattolici e ortodossi, le differenze e tutto quello che hanno in comune.
4. ↑ What’s The Difference Between Coptic and Eastern Orthodox?.

• (IT) Chiese ortodosse - Enciclopedia Treccani.

• Wikiquote el gh'ha dent citazzion de o su Ciexa Ortodossa
• Wikimedia Commons el gh'ha dent imagin o alter archivi su Ciexa Ortodossa