Apocynaceae
|
|
Chest artícol a l'è scricc in Lumbàrt, ortograféa orientàl unificàda. |
| Apocynaceae | ||||||||||
|---|---|---|---|---|---|---|---|---|---|---|
 | ||||||||||
| Classifigazion sientífiga | ||||||||||
| ||||||||||
| Sotafamìe | ||||||||||
Le Apocynaceae (Juss., 1789) i è 'na famìa botànica che töl dét àlber, boscài, piànte erbùze e lianùze. La magiurànsa dele piànte de chèsta famìa i è uriginàrie de la fàsa tropicàla e subtropicàla e divèrse spéci i è piànte de grànde dimensiù che crès endèle forèste tropicài. Se tróa pò a 'na quach spéce perèni 'ndi pòscc temperàcc. Chèste piànte le g'ha 'na lìnfa latiginùza che de spès l'è vilinùza se se la mànda zó.
De chèsta famìa farès part de piö de 5000 spéci, dividìde 'n 402 zèner[1]. La famìa de le Asclepiadaceae, che 'na ólta l'ìa cunsideràda 'ndependenta, adès la fà part de le Apocynaceae.
L'è dividìda en sich sotafamìe:
- Rauvolfioideae, 980 spéci en 42 zèner.
- Apocynoideae, 860 spéci en 77 zèner.
- Periplocoideae, 180 spéci en 31 zèner.
- Secamonoideae, 170 spéci en 9 zèner.
- Asclepiadoideae, 2365 spéci en 214 zèner.
Le ölteme trè sotafamìe le fàa part de le Asclepiadaceae.
'Ntra le spéci piö cunusìde in Lumbardia gh'è:
- 'l oleàndro e 'l gelsumì fals, dò spéci mia del pòst, ma che i è cultiàde tat e 'ndepertöt,
- la Vinca major pò a chèsta öna piànta mia lumbàrda che la crès depersòcönt in di parch, in di giardì, in di pracc e 'n banda a i séze,
- la pervìnca che l'è 'n boscài bas che la crès in di bósch.