Acropoli d'Atene

L'Acròpoli d'Atene a pêu êse cônsciderâ a ciû rappresentativa de tûtte quelle da Grecia.

A l'è 'na gran prîa ciatta inta pârte sûperiô, ch'a s'ìsa 156 metri in scio livello d'o mâ, inta çittæ d'Atene. Scìnbolo da çittæ e da Grecia antiga, a l'è anchêu vixitâ da di millioîn de tûristi ogni anno e a l'è stæta diciarâ comme patrimònnio de l'ûmanitæ da l'UNESCO.

A paròlla Acròpoli a vegne do grégo Aκρος (ærto) e πόλις (çittæ), e scignifica çittæ inte l'ârtûa.

L'acròpoli a l'è a pârte ærta de çittæ da Grecia antiga e de âtre çivilizassioîn, constrûta in sce 'na collinn-a dove gh'êa di edifiçi emblemattixi comme tempï ò ciasse de riûniôn, scïto de concorensa pe àtti importanti.

Popolâ da l'ëra arcàica da-o pòpolo grego, a l'è stæta sviluppâ primma into periodo mixénico e dappêu inte l'ëra clàscica. Dòpo a vittòja contra i Perscen, s'à fæto scôrpî 'n'enorme statua d'Atena Promachos. Dûrante l'èppoca d'òo de Pericle, l'Acròpoli a l'è stæta riconstrûta co-a constrûssiôn do Partenôn, di Propilei e ciû târdi de l'Erechteion e do tempio d'Atena Nike.

Tra i sêu monûmenti, quelli ch'àn survevisciûo scin a-a nòstra ëra sôn i seguenti:

• I Propilei, pòrta monûmentâle pe dove se fa l'inträ a l'Acròpoli.
• O Tempio d'Atena Nike, inscio lòu drito e frontâle di Propilei.
• O Partenôn, tempio d'Atena Partenos (Atena: a vèrgine).
• L'Erechteion, e e sêu 6 cariatidi.
• Rôvinn-e de l'antigo tiatro de Dioniso, scïto de prezentassiôn de famôze tragèddie clàsciche.

• Partenon
• Atene

• Wikimedia Commons a contêgne di files in sce Acropoli d'Aten

• (EN, EL) The Acropolis of Athens, in sce odysseus.culture.gr.
• (EN) UNESCO World Heritage Centre - Acropolis, Athens, in sce whc.unesco.org.