Sandhi
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Sandhi (Sanskriet: संधि, saṃdhi, sameveuge) is d'n invlood van eine klank euvere klanke die zich daonaeve bevinje, dae zoea de sjoeanheid enne oetspraekbaarheid stimmeleert. Me maak 'n óngersjied tössen 'nen interne sandhi (binnenin e waord) en 'nen externe sandhi (tösse twieë wäörd).
E veurbeeldj van 'ne sandhi oet 't Mofers is d'n derdje persoean inkelvaad van 't wirkwaord kinne /'kɪ.nə/ > (hae) kintj /kɪɲc/, wobie de j-klank (mouillering) vanne -tj euvergedrage wuuert oppe -n. Oet väöl Limbörgse dialekte zeen nag extremer veurbeeldjer te gaeve, wobie e waord wie aanbringe klink es aambringe enne sandhi euvere morfeemgrens vèltj.
Sandhi's waere neet ummer oetgesjreve. Wo det waal döks gebeurt is in Griekse en Letiense lieënwäörd, wie syn-thetisch en sym-metrie of con-tak en com-pak.
